نئی دہلی، 29 مارچ (یو این آئی) وزیر اعظم نریندر مودی نے بڑے زلزلے سے تباہ ہونے والے میانمار کے سینئر جنرل من آنگ ہلینگ سے بات کرتے ہوئے کہا ہے کہ ہندوستان اس مشکل وقت میں میانمار کے لوگوں کے ساتھ کھڑا ہے اور امدادی کاموں میں مدد فراہم کر رہا ہے۔
آفات سے متعلق امدادی سامان، انسانی امداد، تیزی سے متاثرہ علاقوں میں تلاش اور ریسکیو ٹیمیں بھیجنے کے لیے مسٹر مودی نے ہفتہ کو سوشل میڈیا پلیٹ فارم ایکس پر کہاکہ"میانمار کے سینئر جنرل ہز ایکسی لینسی من آنگ ہلینگ سے بات ہوئی۔ تباہ کن زلزلے میں ہونے والی ہلاکتوں پر اپنی گہری تعزیت کا اظہار کیا۔ ایک قریبی دوست اور پڑوسی کے طور پر ہندوستان اس مشکل وقت میں میانمار کے لوگوں کے ساتھ یکجہتی کے ساتھ کھڑا ہے۔
قابل ذکر ہے کہ ہندوستان نے میانمار کے زلزلہ سے متاثرہ لوگوں کی مدد کے لیے آج امدادی سامان کی پہلی کھیپ بھیجی ہے۔ فضائیہ کا کارگو طیارہ امدادی سامان اور ریسکیو ٹیموں کے ساتھ صبح میانمار کے لیے روانہ ہوا۔ میانمار میں زلزلے نے بڑے پیمانے پر تباہی مچائی ہے اور 150 سے زائد افراد ہلاک اور 700 سے زائد زخمی ہوئے ہیں۔
یواین آئی۔ ظ ا