RegionalPosted at: Mar 28 2024 2:28PM ترسیم سنگھ قتل کیس کی تحقیقات کے لیے ایس آئی ٹی تشکیل دی گئی
دہرادون، 28 مارچ (یو این آئی) اتراکھنڈ کے ادھم سنگھ نگر ضلع کے تحت واقع ممتاز سکھ گرودوارہ نانک متہ صاحب کے کارسیوا سربراہ کے قتل کیس کی اعلیٰ ترجیحی جانچ کی جائے گی۔ اس کے لیے پولیس اسپیشل ٹاسک فورس (ایس ٹی ایف) اور مقامی پولیس افسران کی مشترکہ اسپیشل انویسٹی گیشن ٹیم (ایس آئی ٹی) تشکیل دی جارہی ہے۔ یہ جانکاری ریاست کے ڈائرکٹر جنرل آف پولیس (ڈی جی پی) ابھینو کمار نے قتل کے بعد دی۔
مسٹر کمار نے کہا کہ مرکزی تفتیشی ایجنسی سے بھی درخواست کی گئی ہے کہ اگر ان کے پاس اس معاملے میں کوئی اہم معلومات ہیں تو اسے ریاستی پولیس کے ساتھ مشترک کریں۔ انہوں نے کہا کہ صبح 6:15 سے 6:30 کے قریب مدھیہ بابا ترسیم سنگھ کو دو نقاب پوش لوگوں نے قتل کر دیا۔ معاملے کی اطلاع ملتے ہی کماؤن خطہ کے ڈپٹی انسپکٹر جنرل آف پولیس اور ادھم سنگھ نگر کے سینئر سپرنٹنڈنٹ آف پولیس موقع پر پہنچ گئے۔
یواین آئی۔ م س