سری نگر، 10 جون (یو این آئی) نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ کا کہنا ہے کہ وندے بھارت ٹرین سے جموں و کشمیر کے تمام لوگوں کو کافی فائدہ ہوگا۔انہوں نے کہا کہ سیاح اور عام لوگ اب آزادی سے سفر کر سکیں گے۔
نیشنل کانفرنس کے صدر نے ان باتوں کا اظہار منگل کی صبح یہاں وندے بھارت ٹرین سے کٹرہ روانہ ہونے سے قبل نامہ نگاروں کے ساتھ بات کرنے کے دوران کیا۔انہوں نے کہا: 'مجھے بہت خوشی ہے کہ میں آج اس ٹرین سے کٹرہ جا رہا ہوں اس ٹرین سے ہمیں بہت بڑا فائدہ ہوگا'۔ان کا کہنا تھا: 'اب سیاح اور لوگ آزادی سے سفر کریں گے قومی شاہراہ کئی دفعہ بند رہتی ہے اور ہوائی کرایہ بھی بڑھ جاتا ہے'۔انہوں نے امید ظاہر کی کہ لوگ اس ٹرین سے فائدہ اٹھائیں گے۔
یو این آئی ایم افضل