NationalPosted at: Apr 3 2025 2:34PM چین ہماری زمین پر قبضہ کرچکا ہے، حکومت کیا کر رہی ہے: راہل
نئی دہلی، 3 اپریل (یو این آئی) کانگریس لیڈر اور لوک سبھا میں اپوزیشن لیڈر راہل گاندھی نے جمعرات کو کہا کہ چین ہندوستان کے 4000 مربع کلومیٹر علاقے میں داخل ہو گیا ہے لیکن ہمارے سفیر کو چینی رہنماؤں کے ساتھ کیک کاٹتے ہوئے دیکھا گیا ہے مسٹر گاندھی نے لوک سبھا میں وقفہ سوال کے دوران اس معاملے پر حکومت سے سوال کیا کہ چین کے زیر قبضہ زمین کو واپس لینے کے لیے وہ کیا کر رہی ہے؟
مسٹر گاندھی نے کہا، "میں بہت حیران ہوں کہ چین ہماری زمین پر قبضہ کئے بیٹھا ہے اور ہمارے خارجہ سکریٹری کو کچھ دیر پہلے چینی سفیر کے ساتھ کیک کاٹتے ہوئے دیکھا گیا۔
ہمارے فوجی شہید ہوئے تھے، ان کی شہادت پر کیک کاٹ کر جشن منایا جا رہا ہے۔
ہم معمول کے خلاف نہیں ہیں، لیکن حالات معمول پر آنے سے پہلے ہمیں اپنی زمین واپس ملنی چاہیے۔