حیدرآباد، 24 مئی (یو این آئی) جنوبی وسطی ریلوے (ایس سی آر) نے موسم گرما میں مسافروں کی بڑھتی ہوئی تعداد کے پیش نظر وشاکھاپٹنم، ایس ایم وی ٹی بنگلور، تروپتی اور چرلا پلی جیسے اہم مقامات کے درمیان 44 ہفتہ وار سمر اسپیشل ٹرینیں چلانے کا اعلان کیا ہے۔
یکم جون سے 30 جون تک وشاکھاپٹنم اور ایس ایم وی ٹی بنگلور (ٹرین نمبر 08581/08582) کی کل 10 خصوصی سروس چلے گی جو بالترتیب ہر اتوار اور پیر کے چلے گی۔ یہ ٹرینیں وجئے واڑہ، راجمندری اور رینی گنٹا سمیت بڑے اسٹیشنوں پر رکیں گی۔
دیگر 18 ٹرینیں وشاکھاپٹنم اور تروپتی کے درمیان ٹرین نمبر 08547/08548 ہفتہ وار 4 جون سے 31 جولائی تک چلے گی، جو بڑے اسٹیشنوں جیسے گوڈیواڈا، اونگول اور سریکالہستی میں رکے گی۔ مزید برآں، وشاکھاپٹنم اور چرلاپلی کے درمیان ٹرین نمبر 08579/08580 کی خصوصی سرو س 6 جون سے 26 جولائی تک 16 چلے گی، جو گنٹور، ناڈیکوڈے اور نلگنڈہ سمیت اہم اسٹیشنوں پر رکے گی۔
ایس سی آرنے ایک بیان میں کہا کہ تمام خصوصی ٹرینیں 2AC، 3AC، سلیپر اور جنرل سیکنڈ کلاس کوچ سے لیس ہوں گی تاکہ مسافروں کے مختلف زمروں کی ضروریات کو پورا کیا جا سکے۔
یو این آئی۔ م ش۔