بھوپال، 22 مئی (یواین آئی) وزیر اعظم نریندر مودی آج مدھیہ پردیش کے چھ اسٹیشنوں - کٹنی، نرمداپورم، اورچھا، سیونی، شاجاپور اور شریدھام امرت اسٹیشنوں کا ورچوئلی افتتاح کریں گے، اس موقع پر وزیر اعلیٰ ڈاکٹر موہن یادو نرمداپورم ریلوے اسٹیشن پر موجود ہوں گے اور افتتاحی تقریب میں شرکت کریں گے۔
وزیر اعظم مسٹرمودی راجستھان کے بیکانیر میں منعقد ہونے والے پروگرام میں ویڈیو کانفرنس کے ذریعے ملک کے 103 امرت اسٹیشنوں کا افتتاح کریں گے۔
ہندوستان کی 18 ریاستوں اور مرکز کے زیر انتظام علاقوں کے 86 اضلاع میں واقع ان 103 امرت اسٹیشنوں کو 1100 کروڑ روپے سے زیادہ کی لاگت سے تیار کیے گئے ہیں۔ امرت بھارت اسٹیشن اسکیم (اے بی ایس ایس) کے تحت، 1300 سے زیادہ اسٹیشنوں کو جدید سہولیات کے ساتھ دوبارہ تیار کیا جا رہا ہے۔ یہ تمام اسٹیشن جدید ترین سہولیات سے آراستہ ہوں گے۔ ان اسٹیشنوں میں ہندوستانی ثقافت، ورثہ اور مسافروں کی سہولیات شامل ہیں۔
یواین آئی۔الف الف