RegionalPosted at: Apr 20 2024 3:16PM پنجاب میں کانگریس کو جھٹکا،تیجندر سنگھ بٹو، کرم جیت کور بی جے پی میں شامل
جالندھر، 20 اپریل (یو این آئی) لوک سبھا انتخابات سے عین قبل پنجاب میں کانگریس کو بڑا جھٹکا دیتے ہوئے کانگریس کے سینئر لیڈر، پارٹی کے قومی سکریٹری اور ہماچل پردیش کانگریس کے شریک انچارج تیجندر سنگھ بٹو نے پارٹی کی بنیادی رکنیت سے استعفیٰ دے دیا ہے اور بھارتیہ جنتا پارٹی میں شامل ہو گئے ہیں۔
اس کے علاوہ جالندھر کانگریس کے سینئر لیڈر اور سابق لوک سبھا ممبر آنجہانی چودھری سنتوکھ سنگھ کی اہلیہ کرم جیت کور نے بھی کانگریس کو الوداع کہہ دیا۔ انہوں نے دہلی میں بی جے پی ہیڈکوارٹر میں بی جے پی میں شمولیت کا اعلان کیا۔
مسٹر بٹو نے مرکزی وزیر اشونی ویشنو، بی جے پی کے قومی جنرل سکریٹری ونود تاوڑے، جالندھر کے ایم پی سشیل رنکو، پارٹی کے قومی ترجمان جیویر شیرگل، سابق ایم ایل اے شیتل انگورال، مسٹر امیت تنیجا اور دیگر کی موجودگی میں بی جے پی میں شمولیت اختیار کی۔
مسٹر بٹو نے بی جے پی میں شامل ہونے سے پہلے اپنا استعفیٰ پارٹی صدر کو بھیج دیا تھا۔ وہ ضلع کانگریس جالندھر اربن کے صدر، جالندھر امپروومنٹ ٹرسٹ کے صدر، پارٹی کے ریاستی جنرل سکریٹری اور کل ہند کانگریس کمیٹی کے رکن اور پھر قومی سکریٹری تھے۔ وہ پنسپ کے چیئرمین بھی رہے۔ انہوں نے 2007 میں جالندھر سنٹرل اسمبلی حلقہ سے کانگریس کے ٹکٹ پر الیکشن لڑا لیکن ہار گئے۔
پارٹی کی قومی جنرل سکریٹری پرینکا گاندھی واڈرا کے قریبی سمجھے جانے والے مسٹر بٹو نے اپنے دو سطری استعفیٰ میں کہا ہے کہ وہ کانگریس کی بنیادی رکنیت اور پارٹی کے قومی سکریٹری اور ہماچل کے شریک انچارج کے عہدے سے استعفیٰ دے رہے ہیں۔ پردیش
جالندھر سے کانگریس کے سینئر لیڈر اور سابق لوک سبھا ممبر آنجہانی چودھری سنتوکھ سنگھ کی اہلیہ کرم جیت کور نے بھی آج کانگریس کو الوداع کہہ دیا۔ انہوں نے دہلی میں بی جے پی ہیڈکوارٹر میں بی جے پی میں شمولیت کا اعلان کیا۔ اپنے شوہر کی موت کے بعد انہوں نے کانگریس کے ٹکٹ پر 2023 جالندھر لوک سبھا حلقہ کا ضمنی انتخاب لڑا، لیکن مسٹر رنکو سے الیکشن ہار گئی تھیں۔
دلچسپ بات یہ ہے کہ 2024 کے لوک سبھا انتخابات سے پہلےمسٹر رنکو اے اے پی کی طرف سے دوبارہ امیدوار قرار دیئے جانے کے باوجود، اے اے پی چھوڑ کر بی جے پی میں شامل ہو گئے۔
اس بار وہ بی جے پی کے ٹکٹ پر جالندھر سے الیکشن لڑ رہے ہیں۔
مسز کرم جیت کور چودھری کے بیٹے وکرم جیت سنگھ چودھری فلور سے کانگریس کے ایم ایل اے ہیں۔ چودھری کنبہ کانگریس کے چرنجیت سنگھ چنی کو اپنا امیدوار بنانے سے ناراض تھا اور اسی وجہ سے وکرم جیت سنگھ چودھری نے اسمبلی میں پارٹی کے چیف وہپ کے عہدے سے استعفیٰ دے دیا تھا۔
یو این آئی۔ م ع۔ 1500