پٹنہ، 26 اپریل (یو این آئی) بہار میں لوک سبھا انتخابات کے دوسرے مرحلے میں کشن گنج، کٹیہار، پورنیہ، بھاگلپور اور بانکا پارلیمانی حلقوں میں صبح 9 بجے تک تقریباً 9.84 فیصد ووٹروں نے اپنے حق رائے دہی کا استعمال کیا۔
انتخابی دفتر سے موصولہ اطلاع کے مطابق ان چار لوک سبھا سیٹوں کے لیے صبح 9 بجے تک تقریباً 9.84 فیصد ووٹنگ ہوئی۔ کٹیہار پارلیمانی حلقہ میں سب سے زیادہ 12.01 فیصد جبکہ کشن گنج میں سب سے کم 8.32 فیصد ووٹنگ ہوئی ۔ اس کے ساتھ ہی بانکا میں 10.65 فیصد، پورنیہ میں 9.36 فیصد اور بھاگلپور میں 8.92 فیصد ووٹروں نے اپنے حق رائے دہی کا استعمال کیا ہے۔
محکمہ موسمیات کی جانب سے پورنیہ، بھاگلپور اور بانکا میں گرمی کی لہر کے باوجود ووٹروں کی بڑی تعداد ووٹ ڈالنے کے لیے نکل رہی ہے۔ پولنگ اسٹیشنز کے باہر ووٹرز کی لمبی قطاریں نظر آرہی ہیں۔ خاص کر خواتین ووٹرز میں ووٹ ڈالنے کے حوالے سے کافی جوش و خروش ہے۔
ان پانچ پارلیمانی حلقوں میں 4881437 مرد، 4514555 خواتین اور 306 تھرڈ جینڈر سمیت کل 9396298 ووٹر ز سابق مرکزی وزیر سمیت 50 امیدواروں کی قسمت کا فیصلہ کرنے کے لیے 9322 پولنگ اسٹیشنوں پر اپنے حق رائے دہی کا استعمال کریں گے۔
ان میں سے 2379 ووٹرز ایسے ہیں جن کی عمریں 100 سال سے زیادہ ہیں۔ اس کے علاوہ 137773 ووٹرز پہلی بار ووٹ ڈال رہے ہیں۔
یواین آئی۔ م س