پیانگ یانگ، 20 اپریل (یو این آئی) شمالی کوریا نے اسٹریٹجک کروز میزائل کے"سپر لارج وار ہیڈ" کا تجربہ کیا ہے۔ یہ اطلاع جنوبی کوریا کی یونہاپ نیوز ایجنسی نے شمالی کوریا کے کے سی این اے کے حوالے سے دی ہے۔
اطلاعات کے مطابق شمالی کوریا نے رواں ہفتے بحیرہ زرد میں نئے طیارہ شکن میزائل کا تجربہ بھی کیا۔
رپورٹ میں کہا گیا کہ اس ٹیسٹ کے ذریعے خاص ہدف حاصل کیا گیا۔ اس میں کہا گیا ہے کہ وار ہیڈ کو "Hvasal-1 Ra-3" اسٹریٹجک کروز میزائل اور نئے طیارہ شکن میزائل "Pyolji-1-2" کے لیے ڈیزائن کیا گیا ہے۔
دونوں تجربات مبینہ طور پر شمالی کوریا کی میزائل منیجمنٹ کی معمول کی سرگرمیوں کے ضمن میں کیے گئے ہيں۔
یو این آئی۔ م ش۔