NationalPosted at: Oct 22 2016 10:20PM احتجاجی مظاہرہ کر رہے جے این یو طلبہ گرفتار
نئی دہلی، 21 اکتوبر (یو این آئی) دہلی پولیس نے جواہر لال نہرو یونیورسٹی (جے این یو) کے طالب علم نجیب احمد کے لاپتہ ہو جانے کے واقعہ کے خلاف مظاہرہ کر رہے یونیورسٹی کے کچھ طلبہ کو آج یہاں پارلیمنٹ ہاؤس کے قریب گرفتار کر لیا۔ پولیس ذرائع کے مطابق جے این یو کے طلبہ وزارت داخلہ کی جانب جانے کی کوشش کر رہے تھے تبھی انہیں پارلیمنٹ کی عمارت کے قریب گرفتار کر لیا گیا۔انہیں گرفتار کر پارلیمنٹ اسٹریٹ تھانے لے جایا گیا۔ طلبہ لاپتہ طالب علم کا پتہ نہ لگا پانے کا الزام لگاتے ہوئے انتظامیہ اور پولیس کے خلاف نعرے لگا رہے تھے۔ واضح رہے کہ نجیب احمد 15 اکتوبر کو اکھل بھارتیہ ودیارتھی پریشد سے وابستہ طالب علموں کے ساتھ جھگڑا ہو جانے کے بعد سے اپنے ہاسٹل ماہی-مانڈوي سے لاپتہ ہے۔مرکزی وزیر داخلہ راج ناتھ سنگھ کی ہدایت پر دہلی پولیس نے طالب علم کے بارے میں تحقیقات کرنے کے لئے کل ایک خصوصی ٹیم تشکیل دی تھی۔ یو این آئی۔ س ا