InternationalPosted at: Apr 27 2024 10:15AM یوکرین میں میزائل حملوں کے دوران زور دار دھماکے
کیف، 27 اپریل (یو این آئی) روسی میزائل حملوں کے درمیان جمعہ کی رات دیر گئے یوکرین کے متعدد علاقوں میں دھماکوں کی آوازیں سنی گئیں۔
سرکاری خبر رساں ایجنسی یوکرینفارم نیوز نے کہا کہ یوکرین کے وسطی وِنیتشیا کے علاقے اور مغربی ایوانو فرینکِسک کے علاقے دھماکوں سے لرز اٹھے۔
میئر ایہور تیریخوف کے مطابق، متعدد دھماکوں سے یوکرین کا مشرقی شہر خارکیف بھی گونج اٹھا۔
یوکرین کی فضائیہ نے ٹیلی گرام پر کہا کہ روس نے فضائی حملے کے دوران یوکرین پر کروز میزائل اور ایرو بیلسٹک میزائل داغے۔
اس کے علاوہ، یوکرین کے ٹیلیگرام چینل نے خبردار کیا کہ روس ممکنہ طور پر یوکرین پر نئے میزائل حملے کی تیاری کر رہا ہے کیونکہ ٹی یو-95 اسٹریٹجک بمبار طیاروں کے دستہ کو روس کے شمال مغربی مرمانسک کے علاقے اولنیا ایئر فیلڈ سے پرواز کرتے دیکھا گیا ہے۔
یو این آئی۔ م ش۔