واشنگٹن، 8 اپریل (یو این آئی) امریکہ اور ایران کے درمیان جنگ بندی پر اتفاق ہو گیا ہے امریکی صدر ڈونالڈ ٹرمپ نے سوشل میڈیا پر ایک پوسٹ میں کہا کہ دونوں ممالک ایک فیصلہ کن امن معاہدے کی طرف کافی حد تک پیش رفت کر چکے ہیں اور مذاکرات کو آگے بڑھانے کے لیے دو ہفتوں کی جنگ بندی پر رضامند ہو گئے ہیں امریکی صدر نے یہ اعلان واشنگٹن وقت کے مطابق شام 6 بج کر 32 منٹ پر کیا، جو کہ ان کی مقرر کردہ رات 8 بجے کی ڈیڈ لائن سے پہلے تھا۔ انہوں نے خبردار کیا تھا کہ اگر ایران مقررہ وقت کے اندر جنگ بندی پر آمادہ نہ ہوا تو ایرانی تہذیب کو مکمل طور پر تباہ کر دیا جائے گا۔
ایران کے وزیر خارجہ عباس عراقچی نے بھی تصدیق کی ہے کہ ان کا ملک دو ہفتوں کی جنگ بندی پر متفق ہو گیا ہے۔ اس دوران آبنائے ہرمز کو کھول دیا جائے گا۔
موصولہ اطلاعات کے مطابق، یہ جنگ بندی پاکستان کی ثالثی سے ممکن ہوئی ہے اور اسرائیل بھی اس پر رضامند ہے۔
یو این آئی ایم جے