میڈرڈ، 22 مئی (یو این آئی) ہسپانوی دارالحکومت میڈرڈ میں ایک امریکی اسکول کے باہر یوکرین کے ایک سابق اعلیٰ اہلکار کو گولی مار کر ہلاک کر دیا گیا ہے۔
حکام نے تصدیق کی کہ 51 سالہ آندرے پورٹنوف شہر کے پوزیلو ڈی الارکون علاقے میں واقع اسکول میں اپنے بچوں کو چھوڑنے کے بعد اسکول کی پارکنگ میں اپنی کار کی طرف جا رہے تھے۔
عینی شاہدین نے بتایا کہ ایک نامعلوم حملہ آور نے پورنوف پر کئی گولیاں چلائیں اور پھر جنگل کے علاقے میں فرار ہو گیا۔
بی بی سی کی رپورٹ کے مطابق، پورٹنوف وکٹر یانوکووچ کی انتظامیہ میں ایم پی اور نائب سربراہ تھے، جو روسی صدر کے حامی تھے اور 2014 میں مہینوں کے احتجاج کے بعد انہیں عہدے سے ہٹا دیا گیا تھا۔
وہ پہلے یولیا تیموشینکو کی گورننگ پارٹی میں رکن پارلیمنٹ تھے، لیکن 2010 میں صدارتی انتخاب جیتنے کے بعد یانوکووچ کی ٹیم میں چلے گئے۔
انہوں نے یوکرین چھوڑ دیا تھا اور 2019 میں ولادیمیر زیلنسکی کے صدر منتخب ہونے کے بعد واپس آئے۔
اس کے بعد انہوں نے دوبارہ یوکرین چھوڑ دیا اور 2021 میں امریکی ٹریژری نے ان پر پابندی لگادی، جس میں کہا گیا تھا کہ انہیں ’ایک کورٹ فکسر کے طور پر بڑے پیمانے پر جانا جاتا تھا۔'
پولیس ڈرونز اور ایک ہیلی کاپٹر سے قاتل کی تلاش میں علاقے کی تلاشی لی۔ حملے کے پیچھے محرکات کا ابھی تک پتہ نہیں چل سکا ہے۔ جائے وقوعہ پر موجود ہنگامی خدمات صرف اس بات کی تصدیق کر سکتی ہیں کہ پورٹنوف کو کمر اور سر پر گولیاں لگنے کے متعدد زخم آئے ہیں۔ بعد ازاں ان کی لاش کو پوسٹ مارٹم کے لیے لے جایا گیا۔
یواین آئی۔الف الف