نئی دہلی، 6 مئی(یو این آئی) صدر جمہوریہ ہند دروپدی مرمو اور وزیراعظم نریندر مودی نے بدھ کے روز یہاں راشٹرپتی بھون کے صحن میں ویتنام کے صدر تو لام کا پُرجوش روایتی استقبال کیا صدر تو لام منگل کو ہندستان کے تین روزہ دورے پر یہاں پہنچے تھے  محترمہ مرمو اور مسٹر مودی نے ان کا خیر مقدم کیا، جس کے بعد ویتنامی صدر کو 'گارڈ آف آنر' پیش کیا گیا بعد ازاں، صدر تو لام نے مختلف مرکزی وزراء سے ملاقات کی۔ صدر مرمو اور وزیراعظم مودی نے بھی ویتنامی صدر کے ہمراہ آئے ہوئے وفد کے ارکان سے ملاقات کی۔ اپنے شیڈول کے مطابق، ویتنام کے صدر راج گھاٹ پر پھولوں کی چادر چڑھانے بھی جائیں گے۔
اس کے بعد، وہ وزیر اعظم مودی کے ساتھ دو طرفہ مذاکرات کریں گے، جس کے نتیجے میں دونوں ممالک کے درمیان متعدد معاہدوں پر دستخط ہونے کا امکان ہے۔ شام کے وقت ان کی ملاقات دوبارہ صدر مرمو سے ہوگی۔ واضح رہے کہ صدر تو لام نے گزشتہ شام یہاں پہنچنے پر قومی سلامتی کے مشیر اجیت ڈوبھال سے بھی ملاقات کی تھی۔
اس ملاقات کے حوالے سے ترجمانِ وزارتِ خارجہ نے بتایا کہ قومی سلامتی کے مشیرِ اجیت ڈوبھال نے ویتنام کے صدر تو لام سے ملاقات کے دوران دونوں ممالک کے درمیان کثیر جہتی اور جامع شراکت داری کو مزید مستحکم کرنے پر تبادلہ خیال کیا۔
یو این آئی، ایم جے