EntertainmentPosted at: May 8 2025 12:27PM کھیلو انڈیا یوتھ گیمز سے جڑنا باعث فخر: پنکج ترپاٹھیممبئی، 8 مئی (یو این آئی) بالی ووڈ کے مشہور اداکار پنکج ترپاٹھی کا کہنا ہے کہ یہ ان کے لیے بڑے فخر کی بات ہے کہ وہ اپنی ریاست بہار میں منعقد ہونے والے کھیلو انڈیا یوتھ گیمز سے وابستہ ہیں۔مشہور اداکار اور بہار کے فخر پنکج ترپاٹھی اب کھیلو انڈیا یوتھ گیمز سے جڑ گئے ہیں۔ یہ بہار میں منعقد ہونے والا اب تک کا سب سے بڑا کھیل کا ایونٹ ہے، جس میں ملک بھر سے کھلاڑی حصہ لے رہے ہیں۔ حال ہی میں منعقدہ افتتاحی تقریب کو اس کی شان کے لیے سراہا گیا ہے اور پنکج ترپاٹھی کو بہار کے متاثر کن چہرے کے طور پر مدعو کیا گیا ہے۔بہار میں منعقد ہونے والے کھیلو انڈیا یوتھ گیمز کو زبردست پذیرائی مل رہی ہے اور یہ ریاست کا اب تک کا سب سے بڑا کھیل میلہ بن گیا ہے۔ ملک کے کونے کونے سے نوجوان کھلاڑی اپنی صلاحیتوں کا لوہا منوانے کے لیے یہاں آ رہے ہیں اور نوجوانوں میں کھیلوں کی طرف نیا ولولہ اور جوش پیدا کر رہے ہیں۔بہار کی مٹی سے جڑے پنکج ترپاٹھی نے اس موقع پر کہا کہ یہ میرے لیے بڑے فخر کی بات ہے کہ میں اپنی ریاست میں منعقد ہونے والے کھیلو انڈیا یوتھ گیمز سے وابستہ ہوں۔ بہار میں ان کھیلوں کا انعقاد ہوتے دیکھنا بڑی خوشی اور فخر کی بات ہے۔ میں اس تاریخی تقریب کے لیے بہار حکومت اور محکمہ کھیل کو مبارکباد دیتا ہوں۔ نوجوانوں کو کھیلوں کی طرف راغب کرنا صرف جسمانی طاقت کو فروغ دینا نہیں ہے بلکہ نظم و ضبط، خود اعتمادی اور ہمت کے بارے میں بھی ہے۔ مجھے امید ہے کہ بہار کے متاثر کن چہرے کے طور پر میرا کردار نوجوان لڑکوں اور لڑکیوں کو بڑے خواب دیکھنے، متحرک ہونے اور پورے جذبے اور فخر کے ساتھ بہار اور ہندوستان کی شان میں اضافہ کرنے کی ترغیب دے گا۔یواین آئی۔الف الف
20 May 2025 | 7:41 PM