EntertainmentPosted at: Feb 2 2025 5:42PM

ہوشیار سنگھ (اپنا ارستو) ایک خاص فلم، کہانی بتایا جانا ضروری: ستیندر سرتاج

نئی دہلی، 02 فروری (یو این آئی) پنجابی اسٹار ستیندر سرتاج نے اپنی آنے والی فلم ہوشیار سنگھ (اپنا ارستو) کے بارے میں کہا کہ یہ ایک خاص فلم ہے اور فلم کی کہانی ایسی ہے جسے بتایا جانا ضروری ہے۔

ستیندر سرتاج اور سیمی چہل اپنی آنے والی پنجابی فلم 'ہوشیار سنگھ (اپنا ارستو)' کی تشہیر کے لیے قومی دارالحکومت پہنچے۔
پروموشنل پروگرام کے سلسلے میں دونوں اداکار یہاں ماتا سندری کالج پہنچے اور طلبہ کے درمیان اپنی فلم کے بارے میں بتایا۔

ستیندر سرتاج فلم کے بارے میں کہتے ہیں، 'یہ ایک خاص فلم ہے اور فلم کی کہانہ ایسی ہے جسے بتایا جانا ضروری ہے۔

ستیندر سرتاج اس فلم کے پروڈیوسر بھی ہیں۔
انہوں نے ایک پریس کانفرنس میں کہا، “یہ فلم ایک مکمل پیکج ہے۔
یہ سامعین سے بھرپور تفریح کا وعدہ کرتی ہے جس میں جذبات، مزاح، ڈرامہ اور محبت تجربے کے اہم حصے ہیں۔

ستیندر سرتاج نے کہا کہ فلم میں پوری ٹیم نے اپنا بہترین دیا ہے، یہی وجہ ہے کہ فائنل نتیجہ بہت اچھا رہا ہے۔
انہوں نے کہا کہ اس فلم کے ذریعے ہم نے ناظرین کو تعلیمی نظام جیسی اہم چیز کے بارے میں ایک نیا زاویہ نظر دینے کی کوشش کی ہے۔
ایسی صورت حال میں یہ سامعین کو ان کے اپنے عقائد اور نقطہ نظر پر سوال اٹھانے پر بھی مجبور کرے گی۔

جبکہ سمی چہل نے کہا کہ یہ فلم ناظرین کو بھرپور تفریح فراہم کرنے کے ساتھ ساتھ انہیں سوچنے پر مجبور کرنے کا وعدہ کرتی ہے۔
مجھے یقین ہے کہ یہ فلم ہر عمر کے لوگوں کے لیے ایک بہترین تفریح ہوگی، اس لیے ناظرین کو اپنے کنبہ کے ساتھ اس سے لطف اندوز ہونا چاہیے۔
‘‘
اس فلم کا پلاٹ کچھ مختلف ہے، کیونکہ اس کی کہانی ملک کے تعلیمی نظام کے گرد گھومتی ہے۔
فلم میں ستیندر سرتاج نے ایک اسکول ٹیچر کا کردار ادا کیا ہے، جس نے اسکولوں میں تعلیم کی مضبوط بنیاد رکھنے کے لیے کام کرنے کا بیڑا اٹھارکھا ہے۔

ناظرین کو فلم ہوشیار سنگھ میں 85 سے زائد اداکار بھی دیکھنے کو ملیں گے، جن میں پنجابی فلم انڈسٹری کے کچھ مشہور نام بی این شرما، رانا رنبیر، سیما کوشل، ملکیت رونی، روپندر روپی، سکھویندر چہل وغیرہ شامل ہیں۔
فلم ہوشیار سنگھ کی کہانی جگدیپ وارنگ نے لکھی ہے اور ہدایت کاری ادے پرتاپ سنگھ نے کی ہے۔

فلم ہوشیار سنگھ کو ویژنری پروڈکشن ہاؤسز اومجی سنے ورلڈ اور سرتاج فلمز نے مشترکہ طور پر پروڈیوس کیا ہے۔
یہ فلم 7 فروری کو سینما گھروں میں ریلیز کی جائے گی۔

یو این آئی۔
م ع۔
1741

Entertainment

ہارر فلمیں:ڈرانے کا ذریعہ نہیں ،بلکہ گہری فکری، نفسیاتی اور سماجی معنویت رکھتی ہے

فلم 'کھوسلہ کا گھوسلہ' کا سیکوئل شاندار ہوگا: انوپم کھیر

طاہر راج بھسین نے وکرم فڈنیس کے نئے پروجیکٹ کی شوٹنگ شروع کی

پشپا امپاسیبل میں راشی کا کردار ملنے سے پُرجوش تھی: اکشایا ہندلکر

کرائم تھرلر ‘دلدل’ کا ٹریلر جاری

21 Jan 2026 | 11:34 AM

ممبئی، 21 جنوری (یو این آئی) پرائم ویڈیو نے اپنی نئی ہندی کرائم تھرلر سیریز ‘دلدل’ کا زبردست ٹریلر ریلیز کر دیا ہے۔ یہ کہانی ممبئی شہر کے پس منظر میں مبنی ہے اور ڈی سی پی ریٹا فریرا پر مرکوز ہے، جس کا کردار بھومی ستیش پیڈنیکر نے ادا کیا ہے۔ وہ ایک خطرناک تحقیقات پر نکلتی ہیں، جہاں انہیں ایک بے رحم سیریل کلر کا پیچھا کرنا ہوتا ہے۔.