نئی دہلی، 18 اپریل (یو این آئی) لوک سبھا میں قائد حزب اختلاف راہل گاندھی نے کہا ہے کہ اس بات کو یقینی بنانے کے لئے کہ کوئی بھی ملک میں ذات پات کے نظام کا شکار نہ ہو، انہوں نے کرناٹک کے وزیر اعلیٰ سدارامیا کو ایک خط لکھ کر وہاں ویمولا ایکٹ نافذ کرنے پر زور دیا ہے۔
مسٹر گاندھی نے کہاکہ "حال ہی میں میں نے پارلیمنٹ میں دلت، آدیواسی اور او بی سی کمیونٹی کے طلباء اور اساتذہ سے ملاقات کی۔ انہوں نے مجھے بتایا کہ کس طرح انہیں کالجوں اور یونیورسٹیوں میں ذات پات کی بنیاد پر امتیازی سلوک کا سامنا کرنا پڑتا ہے۔ بابا صاحب امبیڈکر نے دکھایا تھا کہ تعلیم ہی واحد ذریعہ ہے جس سے محروم بھی بااختیار بن سکتے ہیں، لیکن یہ ذات پات کے نظام کو توڑنے کے بعد بھی لاکھوں طلباء ہمارے تعلیمی نظام میں ذات پات کے امتیاز کا سامنا کر رہے ہیں۔
انہوں نے کہاکہ "اس امتیازی سلوک نے روہت ویمولا، پائل تڈوی اور درشن سولنکی جیسے ہونہار طلباء کی جانیں لے لی ہیں۔ ایسے ہولناک واقعات کو کسی بھی قیمت پر برداشت نہیں کیا جا سکتا۔ اب وقت آگیا ہے کہ اس ناانصافی کو مکمل طور پر روکا جائے۔ میں نے سدارامیا جی کو خط لکھ کر درخواست کی ہے کہ ریاست ویمولا ایکٹ کو نافذ کیا جائے، تاکہ ہندوستان کے کسی بھی بچے کو ذاٹ پات نہیں جھیلنا پڑے جس سے بابا صاحب امبیڈکر، روہت ویمولا اور کروڑوں لوگوں کو نقصان اٹھانا پڑا۔
یواین آئی۔ ظ ا