رانچی، 15 نومبر (یو این آئی) جھارکھنڈ کے یومِ تاسیس کی سلور جوبلی کے موقع پر صدر جمہوریہ دروپدی مُرمُو، وزیر اعظم نریندر مودی، وزیر اعلیٰ ہیمنت سورین اور گورنر سنتوش کمار گنگوار نے مبارکباد دی۔
صدر جمہوریہ دروپدی مُرمُو نے لکھا کہ ’’تمام لوگوں کو جھارکھنڈ یوم تاسیس کی سلور جوبلی کی دلی مبارکباد! بھگوان برسا منڈا کی اس سرزمین کے باصلاحیت اور محنتی لوگوں نے ریاست اور پورے ملک کا وقار بلند کیا ہے‘‘۔ ’’قدرتی وسائل سے مالا مال یہ ریاست ملک کی ترقی میں اہم کردار ادا کرتی رہی ہے، یہاں کی قبائلی برادری کی لوک روایات اور فنون کی ملک و بیرونِ ملک بڑی قدر ہے‘‘۔ یہاں کے بہادر سپوتوں نے بھارت ماتا کی خدمت کیں اور مثالیں قائم کی ہیں۔ میری نیک خواہشات ہیں، جھارکھنڈ ترقی کی راہ پر گامزن رہے اور ریاست کے تمام باشندوں کا مستقبل روشن ہو‘‘۔
وہیں وزیر اعظم نریندر مودی نے لکھا کہ قبائلی ثقافت سے مالا مال، باوقار ریاست جھارکھنڈ کے تمام باشندوں کو یومِ تاسیس کی بہت بہت مبارکباد۔بھگوان برسا منڈا جی کی اس دھرتی کی تاریخ حوصلے، جدوجہد اور خودداری کی داستانوں سے بھری ہوئی ہے۔ اس خاص موقع پر میں ریاست کی ترقی اور خوشحالی کی تمنا کرتا ہوں۔
جھارکھنڈ کے گورنر سنتوش کمار گنگوار نے برسا منڈا کے مجسمے پر مالا پیش کرکے خراجِ عقیدت پیش کیا۔ مسٹر گنگوار نے لکھا کہ عظیم مجاہدِ آزادی بھگوان برسا منڈا جی کوٹی کوٹی نمن۔ جھارکھنڈ آج اپنی تاسیس کے پچیس باوقار سال مکمل کر رہا ہے۔ میں سب کی خوشحالی اور ریاست کی ترقی کی کامنا کرتا ہوں۔
وزیر اعلیٰ ہیمنت سورین نے لکھا کہ جھارکھنڈ کے باشندے اپنے بہادر سپوت بھگوان برسا منڈا کو ان کی 150ویں جینتی پر نمن کرتے ہیں۔ ہمارے شہیدوں نے علیحدہ جھارکھنڈ ریاست کے خواب کو حقیقت بنایا۔ آج پچیس برس کا جھارکھنڈ بابائے جھارکھنڈ کو جوہار پیش کر رہا ہے۔
یو این آئی۔ ایس اے۔ایف اے