EntertainmentPosted at: Mar 7 2026 3:38PM

انوپم کھیر دو آخری۔۔۔۔۔۔۔۔۔

سال1984 میں انہیں ہدایتکار مہیش بھٹ کی فلم سارانش میں کام کرنے کا موقع ملا۔
اس فلم میں انہوں نے ایک ایسے بزرگ باپ کا کردار ادا کیا جس کا بیٹا اچانک وفات پا جاتا ہے۔
انوپم کھیر نے اس کردار کو انتہائی سنجیدگی اور مہارت کے ساتھ نبھا کر ناظرین کے دل جیت لیے اور اس کردار پر ان کو بہترین اداکار کا فلم فیئر ایوارڈ سے بھی نوازا گیا۔

سال1986 میں انہیں ہدایت کار سبھاش گھئی کی فلم کرما میں بطور ولن کام کرنے کا موقع ملا۔
اس فلم میں ان کے مقابل اداکاری کے شہنشاہ دلیپ کمار تھے، لیکن انوپم کھیر نے اپنی مضبوط اداکاری سے ناظرین کو متاثر کرنے میں کامیابی حاصل کی۔

فلم کرما کی کامیابی کے بعد انوپم کھیر بطور ولن اپنی ایک الگ شناخت بنانے میں کامیاب ہو گئے۔
اپنے اداکاری کے انداز میں یکسانیت کو ختم کرنے اور خود کو ایک باصلاحیت کریکٹر اداکار کے طور پر منوانے کے لیے انہوں نے مختلف نوعیت کے کردار ادا کرنا شروع کیے۔
اسی سلسلے میں 1989 میں ریلیز ہونے والی رام لکھن میں انہوں نے اداکارہ مادھوری دکشت کے والد کا کردار ادا کیا۔
اس فلم میں شاندار اداکاری پر انہیں فلم فیئر کا بہترین مزاحیہ اداکار کا ایوارڈ بھی ملا۔

اسی سال 1989 میں انوپم کھیر کے فلمی کیریئر کی ایک اور اہم فلم ڈیڈی ریلیز ہوئی۔
اس فلم میں انہوں نے ایک جذباتی کردار نہایت سنجیدگی اور مہارت سے ادا کیا جس نے ناظرین کو بہت متاثر کیا۔
اس بہترین اداکاری کے لیے انہیں فلم فیئر کریٹکس ایوارڈ اور قومی فلم ایوارڈ کا خصوصی جیوری ایوارڈ بھی دیا گیا۔

سال2003 میں ریلیز ہونے والی فلم اوم جے جگدیش کے ذریعے انوپم کھیر نے ہدایت کاری کے میدان میں بھی قدم رکھا، تاہم یہ فلم باکس آفس پر کامیاب نہ ہو سکی۔
اس کے بعد 2005 میں انہوں نے فلم میں نے گاندھی کو نہیں مارا بنائی۔
اس فلم میں ان کی شاندار اداکاری کے باعث انہیں کراچی انٹرنیشنل فلم فیسٹیول میں ایوارڈ سے نوازا گیا۔

انوپم کھیر نے کئی ہالی ووڈ فلموں میں بھی اپنی اداکاری کا لوہا منوایا۔
2000 کی دہائی میں انہوں نے ٹیلی ویژن کی طرف بھی رخ کیا اور “سے نا سم تھنگ ٹو انوپم انکل” اور “سوال دس کروڑ کا” جیسے پروگراموں کی میزبانی کر کے ناظرین کو خوب محظوظ کیا۔

سال2007 میں انہوں نے اپنے دوست ستیش کوشک کے ساتھ مل کر کروگ باغ پروڈکشن کمپنی قائم کی، جس کے تحت فلم “تیرے سنگ” بنائی گئی۔
انوپم کھیر کو اپنے فلمی کیریئر میں آٹھ مرتبہ فلم فیئر ایوارڈ سے نوازا جا چکا ہے۔

فلموں میں مختلف کردار ادا کرنے کے علاوہ وہ سنٹرل بورڈ آف فلم سرٹیفیکیشن کے چیئرمین بھی رہ چکے ہیں۔
اس کے علاوہ وہ 2001 سے 2004 تک نیشنل اسکول آف ڈرامہ کے ڈائریکٹر بھی رہے۔
فلمی دنیا میں ان کی نمایاں خدمات کے اعتراف میں انہیں پدم شری اور پدم بھوشن جیسے بڑے اعزازات سے بھی نوازا گیا۔

انوپم کھیر اپنے چار دہائیوں سے زائد طویل فلمی کیریئر میں تقریباً 550 فلموں میں کام کر چکے ہیں اور آج بھی پوری توانائی اور جوش کے ساتھ فلم انڈسٹری میں سرگرم ہیں۔

یو این آئی، ایم جے

Entertainment

مندرا بیدی نے میزبانی، فیشن اور فٹنس کے میدان میں اپنی صلاحیتوں کا لوہا منوایا

دُھرندھر سیریز کی دونوں فلموں نے مل کر 3000 کروڑ کی کمائی کا ہندسہ عبور کیا

دھوندھر سیریز کی دونوں فلموں نے مل کر 3000 کروڑ کی کمائی کا ہندسہ عبور کیا

مندرا بیدی تین آخری

15 Apr 2026 | 9:21 AM

ہندوستان ، پاکستان ، بنگلہ دیش اور دیگر ممالک میں کرکٹ کے شوقین ناظرین ، مرد اور عورت دونوں ، اس خوبصورت ، تازہ چہرے والی ، سیکسی ، ساڑی پہنے ہوئے اور صحت مند ہندوستانی لڑکی سے مسحور ہوگئے ۔ فیشن ڈیزائنر ، ستیہ پال نے کرکٹ تھیم والی ساڑیاں ڈیزائن کیں ، جن میں سے ایک کرکٹرز کے دستخط والی تھی ؛ دوسری کرکٹ اخبارات کی سرخیوں والی تھی۔ مندرا نے بالی ووڈ فلم ڈائریکٹر راج کوشل سے ویلنٹائن ڈے 1999 کو ڈرامائی انداز میں شادی کی ، اور وہ باندرا ، بمبئی میں رہتے ہیں ۔ انہوں نے اپنے شوہر کی فلم 'شادی کا لاڈو' اور 'دس کہانیاں' میں بھی اداکاری کی ہے ۔ وہ مختلف قسم کے اسکرین رول کرنا پسند کرتی.