EntertainmentPosted at: Dec 8 2025 3:09PM

گورو کھنّہ بنے بگ باس 19 کے فاتح

ممبئی، 8 دسمبر (یو این آئی) مشہور اداکار گورو کھنّہ رئیلٹی شو بگ باس 19 کے فاتح بن گئے ہیں۔

سلمان خان کے میزبانی والے شو بگ باس 19 کا گرینڈ فائنالے اتوار کی رات منعقد ہوا۔
گورو کھنّہ بگ باس 19 کے فاتح قرار پائے، جبکہ فرحانہ بھٹ رنر اپ رہیں اور پرنیت مورے تیسرے مقام پر رہے۔
گورو کھنّہ کو بگ باس کی ٹرافی کے ساتھ 50 لاکھ روپے نقد انعام بھی ملا ہے۔
گورو اس سے پہلے ’سیلیبرٹی ماسٹر شیف انڈیا سیزن 1‘ بھی جیت چکے ہیں۔

بگ باس 19 میں کامیابی کے بعد گورو کھنّہ نے انسٹاگرام پر پوسٹ شیئر کی۔
انہوں نے بگ باس کی وننگ ٹرافی کے ساتھ تصویر شیئر کرتے ہوئے لکھا:“تین ماہ کا سفر آخرکار ختم ہوا… اور کیا شاندار انجام رہا! ٹرافی گھر آ گئی ہے۔
لوگ پوچھتے رہے کہ ’جی کے کیا کرے گا؟‘ اور جیسا کہ ہم ہمیشہ کہتے آئے کہ جی کے ہم سب کے لیے ٹرافی گھر لائے گا۔
اس نے وہ کر دکھایا۔
یہ سفر بےحد خوبصورت اور شاندار رہا۔
ہم نے ہر لمحہ گورو کے ساتھ جیا۔
آج یہ جیت بالکل ذاتی سی لگ رہی ہے۔
’’
انہوں نے مزید لکھا:“یہ ہر اُس شخص کی جیت ہے جس نے ہم پر یقین کیا، جس نے ووٹ کیا، جو ساتھ کھڑا رہا۔
آج ہم صرف ٹرافی کا جشن نہیں منا رہے، بلکہ محبت، یقین اور ساتھ کا جشن منا رہے ہیں۔
دل کی گہرائیوں سے شکریہ۔

بگ باس 19 کے فائنالے میں کارتیِک آرین اور اننیا پانڈے بھی شریک ہوئے۔
یہ دونوں اپنی آنے والی فلم ’تو میری میں تیرا، میں تیرا تو میری‘ کی پروموشن کے سلسلے میں پہنچے تھے۔

بھوجپوری فلموں کے اسٹار پون سنگھ، سنی لیونی اور کرن کندرا بھی فائنالے میں موجود تھے۔
سنی اور کرن اپنے شو اسپلِٹس وِلا کے نئے سیزن کی تشہیر کے لیے آئے تھے۔

فائنالے کے دوران سلمان خان آنجہانی دھرمیندر کو یاد کرکے جذباتی ہوگئے۔
شو میں دھرمیندر کے پرانے ویڈیوز دکھائے گئے جنہیں دیکھ کر سلمان کی آنکھوں میں آنسو آگئے۔
سلمان نے بتایا کہ دھرمیندر کا انتقال ان کے والد سلیم خان کی سالگرہ کے دن ہوا تھا۔

سلمان نے کہا کہ 8 دسمبر جو دھرمیندر کا یوم پیدائش ہے، اسی دن ان کی والدہ سلمیٰ کی سالگرہ بھی ہوتی ہے۔

یو این آئی۔
ایم جے۔

Entertainment

طاہر راج بھسین نے وکرم فڈنیس کے نئے پروجیکٹ کی شوٹنگ شروع کی

پشپا امپاسیبل میں راشی کا کردار ملنے سے پُرجوش تھی: اکشایا ہندلکر

راجکمار راؤ اور پترلیکھا نے اپنی نومولود بیٹی کا نام شیئر کیا

سیامی کھیر نے ممبئی میراتھن کے ساتھ 10 برس مکمل کئے

طاہر راج بھسین نے وکرم فڈنیس کے نئے پروجیکٹ کی شوٹنگ شروع کی

19 Jan 2026 | 3:54 PM

ممبئی، 19 جنوری(یو این آئی) .