EntertainmentPosted at: Nov 14 2025 6:43PM

….کامنی کوشل 2

دلیپ کمار کے ساتھ ان کی جوڑی کو بہت پسند کیا گیا۔
1948ء میں دلیپ کمار کے ساتھ انہوں نے فلم ’’شہید‘‘ میں کام کیا، جو سپرہٹ ثابت ہوئی۔
اس کے بعد انہوں نے ’’پگڑی، ندیا کے پار، شبنم اور آرزو‘‘ میں بھی دلیپ کمار کے ساتھ ہیروئن کی حیثیت سے کام کیا اور یہ سب فلمیں کامیابی سے ہمکنار ہوئیں۔
1948 ء میں انہوں نے عصمت چغتائی کے ناول ’’ضدی‘‘ پر مییو فلم ’’ضدی‘‘ میں آشا کا کردار ادا کیا جبکہ ہیرو کا کردار دیو آنند نے نبھایا تھا۔
یہ دیو آنند کی پہلی کامیاب فلم تھی، پھر انہوں نے فلم ’’نمونہ‘‘ میں دیو آنند کے ساتھ کام کیا۔
1948ء میں وہ راج کپور کی فلم ’’آگ‘‘ میں مہمان اداکارہ کے طور پر نظر آ ئیں۔

کامنی کوشل کو یہ اعزاز بھی حاصل ہے کہ لتا منگیشکر کا جو پہلا پلے بیک گیت کسی ہیروئن پر پکچرائز ہوا وہ یہی ہیروئن تھیں۔
اس سے پہلے لتا معاون اداکاراؤں کیلئے گایا کرتی تھیں۔
کامنی کوشل کیلئے زیادہ تر پلے بیک گیت شمشاد بیگم اور سریندر کور گایا کرتی تھیں۔

کامنی کوشل کی دیگر فلموں میں ’دو بھائی‘ (1947)، ’شہید‘ (1948)، ’ضدی‘ (1948)، ’ندیا کے پار‘ (1948) ، نائٹ کلب‘ (1958)وارث، یقین، آدمی اور انسان، گمراہ،اپہار، قید، گئودان، آبرو، شور، ٹانگے والا، ہیرا لال پنا لال، روٹی کپڑا اور مکان اور دس نمبری‘‘،’دو راستے‘ (1969)، ’پریم نگر‘ (1974)، ’مہا چور‘ (1976) اور شامل ہیں۔
منشی پریم چند کے ناول پر مبنی فلم ’گئودان‘ (1963) میں ان کی اداکاری کو اُن کے کیریئر کی بہترین پرفارمنس میں شمار کیا جاتا ہے۔

انہوں نے 1946 سے 1963 تک فلموں میں بطور مرکزی اداکارہ کام کیا۔
کامنی کوشل نے 1963 کے بعدمرکزی کردار کی جگہ معاون اداکارہ کے کردار ادا کرنے شروع کر دیے۔
ان کرداروں میں بھی کامنی کوشل کو شاندار کامیابی ملی۔
بطور کریکٹر ایکٹر ’شہید‘ (1965) میں ادا کیا گیا ان کے کردار کی نقادوں نے کافی ستائش کی ۔
یہ فلم بھگت سنگھ اور ان کے ساتھیوں پر بنائی گئی تھی۔
اس فلم کا ایک گیت’’میرا رنگ دے بسنتی چولا‘‘بے حد مشہور ہوا تھا ۔
اس فلم میں کامنی کوشل نے انتہائی متاثر کن اداکاری کی۔
سال 1973 کی فلم ’انہونی‘ میں انہوں نے منفی کردار ادا کرکے سب کو حیران کر دیا تھا۔
اس کے بعد بھی انہیں کریکٹرایکٹر کے طور پر متعدد فلموں میں کاسٹ کیا گیا۔
انہوں نے منوج کمار کی آٹھ فلموں میں ماں کا کردار ادا کیا۔
منوج کمار کا نام ہر فلم میں بھارت ہوتا تھا۔
اسی طرح وہ ’’بھارت کی ماں‘‘ کے طورپر مشہور ہو گئیں۔

جاری۔
یو این آئی۔
این یو۔

Entertainment

مرزا پور‘ فیملی نے فلم کو ملنے والی محبت پر ناظرین کا شکریہ ادا کیا

پہلی بار قوالی پیش کرنا میرے لیے نیا اور دلچسپ تجربہ تھا: انیل کپور

مرزا پور‘ فیملی نے فلم کو ملنے والی محبت پر ناظرین کا شکریہ ادا کیا

09 Sep 2026 | 7:37 PM

ممبئی، 09 ستمبر (یو این آئی) ایکسل انٹرٹینمنٹ اور ایمیزون ایم جی ایم اسٹوڈیوز کی فلم ’مرزا پور: دی مووی‘ کو ناظرین کی جانب سے ملنے والے شاندار ردعمل کے درمیان ’قالین بھیا‘ پنکج ترپاٹھی اور ’منّا بھیا‘ دیویندو نے مداحوں کا شکریہ ادا کیا ہے۔ پنکج ترپاٹھی اور دیویندو نے سوشل میڈیا پر ایک تصویر شیئر کی، جس میں دونوں اپنے مشہور کرداروں کے انداز میں نظر آ رہے ہیں۔ پوسٹ کے ساتھ انہوں نے لکھا، ’’فیملی ہیں آپ لوگ ہماری.. اور آپ نے ثابت کر دیا!! مرزا پور فیملی کی طرف سے شکریہ۔‘‘.