نئی دہلی، 12 اکتوبر (یو این آئی) وزیراعظم نریندر مودی نے ڈاکٹر پیٹرک ہرمنی کو سیشیلز کا صدر منتخب ہونے پر مبارکباد پیش کی اور ان کی مدتِ صدارت کے دوران کامیابی کی نیک خواہشات پیش کیں وزیر اعظم مودی کی جانب سے ڈاکٹر ہرمنی کے نام ارسال کردہ تہنیتی پیغام میں ہندوستان اور سیشیلز کے درمیان گہرے تعلقات پر روشنی ڈالی گئی، جس میں بحرِ ہند کی مشترکہ وراثت اور دونوں ممالک کے عوام کی باہمی امنگوں پر زور دیا گیا۔
وزیراعظم نے "ایکس" پر لکھا، "بحرِ ہند کا پانی ہماری مشترکہ وراثت ہے اور یہ ہمارے عوام کی خواہشات اور ضروریات کو سیراب کرتا ہے۔" انہوں نے یقین ظاہر کیا کہ ڈاکٹر ہرمنی کی قیادت میں دو طرفہ تعلقات مزید فروغ پائیں گے۔
وزیر اعظم کا یہ پیغام سیشیلز کے ساتھ ہندوستان کی اسٹریٹجک شراکت داری کو مضبوط بنانے کے عزم کی عکاسی کرتا ہے۔ قومی اتحاد، اقتصادی ترقی اور علاقائی تعاون پر مرکوز ڈاکٹر ہرمنی کی صدارت سے ہندوستان -سیشیلز تعلقات کے مزیدمستحکم ہونے کی امید ہے۔ دونوں ممالک نے تاریخی طور پر بحری سلامتی، ترقیاتی منصوبوں اور صلاحیت سازی جیسے شعبوں میں تعاون کیا ہے۔
قابلِ ذکر ہے کہ ڈاکٹر ہرمنی نے صدارتی انتخابات میں 52.7 فیصد ووٹ حاصل کر کے فیصلہ کن کامیابی حاصل کی ہے۔
یو این آئی۔ ایم جے۔ایس ۔وائی۔