نئی دہلی، 13 فروری (یو این آئی) بجٹ اجلاس کے پہلے مرحلے کی تکمیل کے بعد لوک سبھا کی کارروائی آج 10 مارچ تک کے لئے ملتوی کر دی گئی اسپیکر اوم برلا نے ایوان کو ملتوی کرنے سے پہلے کہا کہ بجٹ اجلاس کے پہلے مرحلے کے دوران اچھے ماحول میں بحث ہوئی ایوان کی کارکردگی 112 فیصد رہی  انہوں نے کہا کہ ایوان میں صدر جمہوریہ کے خطبے پر 17 گھنٹے 23 منٹ تک بامعنی بحث ہوئی اور 173 اراکین نے اس میں حصہ لیا مسٹر برلا نے کہا کہ اسی طرح بجٹ پر 16 گھنٹے 13 منٹ تک بحث ہوئی اور اس دوران 170 اراکین نے بحث میں سرگرمی سے حصہ لیا۔
لوک سبھا اسپیکر نے کہا کہ انہیں امید ہے کہ اراکین کے تعاون سے ایوان کی کارروائی مستقبل میں بھی خوش اسلوبی سے جاری رہے گی۔
اس کے بعد مسٹر برلا نے ایوان کی کارروائی 10 مارچ تک ملتوی کرنے کا اعلان کیا ۔
یو این آئی ۔ ع خ