نئی دہلی، 3 اکتوبر (یو این آئی) کانگریس صدر ملکارجن کھڑگے اب صحتیاب ہو گئے ہیں اور جلد ہی پارٹی کی سرگرمیوں میں حصہ لینے لگیں گے کانگریس ذرائع کے مطابق، کھڑگے اب مکمل طور پر صحتیاب ہوگئے ہیں اور وہ پہلے کی طرح پارٹی کے کام میں سرگرم ہو جائیں گے ڈاکٹروں نے جمعرات کی شام انہیں اسپتال سے چھٹی دے دی تھی۔ وہ منگل سے جمعرات تک بنگلورو میں ڈاکٹروں کی زیر نگرانی تھے پارٹی نے ان کی صحتیابی کے حوالے سے جمعہ کے روز یہاں ایک بیان میں کہا، ’’کانگریس صدر ملکارجن کھڑگے کو اسپتال سے چھٹی مل گئی ہے۔ وہ صحتیاب ہیں اور سب کی طرف سے پیش کی گئی نیک خواہشات کے لیے شکریہ ادا کرنا چاہتے ہیں۔" انہوں نے کہا کہ میرا ارادہ جلد ہی دوبارہ کام شروع کرنے کا ہے۔
کانگریس کے مطابق، کھڑگے جلد ہی اپنی سرگرمیاں دوبارہ شروع کرنے کے لیے پرعزم ہیں اور ڈاکٹروں نے بھی انہیں اس کا مشورہ دیا ہے۔
یو این آئی- م ک۔ایس وائی۔