نئی دہلی، 12 نومبر (یو این آئی) جامعہ ملیہ اسلامیہ کے ڈپارٹمنٹ آف بایو سائنس،جامعہ ملیہ اسلامیہ کی پروفیسر ندا جمیل خان کو انڈین کونسل آف میڈیکل ریسرچ (آئی سی ایم آر) نے تقریباً ترپن لاکھ کی موقر تحقیقی گرانٹ منظور کی ہے پروفیسر صائمہ سعید افسر اعلی،تعلقات عامہ جامعہ ملیہ اسلامیہ کی جاری کردہ ریلیز کے مطابق یہ انتہائی مقابلہ جاتی تحقیقی گرانٹ کینسر بایولوجی اورمولکولر جینٹکس کے میدان میں پروفیسر خان کی غیر معمولی خدمات کو اجاگر کرتاہے اور ایپی جینیٹک تھیوراپیٹکس فار ٹرپل۔نیگیٹو بریسٹ کینسر(ٹی این بی سی) کے میدان میں اہم تحقیقی کو مدد دے گا۔ ہندوستان میں بایو میڈیکل ریسرچ کے میدان میں آئی سی ایم آر کی گرانٹ ایک مہتم بالشان اعزاز ہے۔یہ گرانٹ پروفیسر خان اور ان کی ٹیم کو خاکہ بنانے،تیار کرنے اور ٹی این بی سی پروگریشن میں اہم ایپی جینٹک بایو میکر میں شامل بی ایٹ ان ہیبیٹر کو ٹارگیٹ کرنے کے قابل بنائے گی۔ پروجیکٹ کا مقصد ان سیلیکو ڈرگ ڈیزائن، ان ویٹرو ایسیزاور قبل علاج مطالعات کے ذریعے نئی تھیراپیائی اہداف کو شناخت کرنااور علاج کے لحاظ سے پستان کے سرطان کے ذیلی اقسام کو چیلنج کرنے والے انتہائی جارح قسم کے علاج کے لیے نئے اور موثر معالجی تدابیر کی دریافت کرنا ہے۔
پروفیسر ندا جمیل خان نے کامیابی پر تبصرہ کرتے ہوئے کہاکہ ”آئی سی ایم آر سے مجھے یہ اعزاز ملنے سے میری انتہائی قدر افزائی ہوئی ہے۔ یہ گرانٹ ٹرپل نیگیٹیو بریسٹ کینسر کے لیے بامعنی علاج میں کمپیوٹیشنل بصیرتوں کوڈھالنے کے اہم موقع کی نمائندگی کرتی ہے۔میں اپنی ریسرچ ٹیم،اپنے ادارے جامعہ ملیہ اسلامیہ اور آئی سی ایم آر کا ان کے تعاون اور ان کی حوصلہ افزائی کے لیے ممنون و مشکور ہوں۔“
گرانٹ دوسا ل ملے گی جس سے ایڈوانسڈ تجربات ہوں گے،سرکردہ ماہرین کے ساتھ اشتراک ہوگا اور علاج معالجے کے نئے طریقے سامنے آئیں گے۔ یہ اقدام،انتہائی جدید ترین تحقیق کو فروغ دینا اور ہندوستان کو درپیش صحت کے اہم مسائل کو حل کرنے کے آئی سی ایم آر کے مشن سے ہم آہنگ ہے۔
پروفیسر ندا جمیل خان ممتاز کینسر بایولوجسٹ ہیں اور انہیں کینسر بایولوجی، مول کولر جینیٹکس اور سیل بایولوجی میں سولہ سال سے زیادہ کا تدریسی و تحقیقی تجربہ ہے۔ان کی تحقیق پستان کے سرطان،ایپی جینٹک،بایو میکر ڈسکوری،ڈرگ ٹارگیٹ آئیڈینٹی فیکیشن اور مولوکور پاتھ وے کی وضاحت پر مرکوز ہے۔پروفیسر خان نے کئی پی ایچ ڈی اسکالروں کی نگراں رہی ہیں اور اہم بین الاقوامی رسائل و جرائد میں ا ن کے مختلف تحقیقی مقالات شائع ہوچکے ہیں۔
انہوں نے اے آئی آئی ایم ایس(نئی دہلی) سینٹر فار سیلو لر اینڈ مول کولر بایو لوجی (سی سی ایم بی، حیدرآباد اور یونیورسٹی کالج لندن(یو سی ایل، برطانیہ)۔انسٹی ٹیوٹ آف گلوبل ایکسیلینس ان بایو میڈیکل سائنسس میں تربیت لی ہے۔ ان کا تعلیمی سفر اور وسیع تحقیق،سائنسی اختراع اور ٹرانسلیشنل تحقیق میں افضلیت کے فروغ کے تئیں جامعہ کے عہد کو بدستور مضبوطی و استحکام دے رہی ہے۔
یو این آئی۔ ع ا۔