نئی دہلی، 2 ستمبر(یو این آئی)اگر آپ کا پرانا لیپ ٹاپ یا ڈیسک ٹاپ سست ہوگیا ہے تو آپ کو فوری طور پر نیا خریدنے کی ضرورت نہیں   ریلائنس جیو کا جیو پی سی آپ کے پرانے کمپیوٹر کو کلاؤڈ کی طاقت سے مزید طاقتور بنائے گا۔ صارفین نئے ہارڈ ویئر کی خریداری کے بغیر اپنے موجودہ لیپ ٹاپ یا ڈیسک ٹاپ پر 16جی بی ریم اور آئی ٹی بی اسٹوریج تک رسائی حاصل کر سکیں گے۔
کوئی بھی انٹرنیٹ صارف جیو پی سی سروس کا اسٹینڈ ایلون سبسکرپشن کے طور پر فائدہ اٹھا سکتا ہے۔ اس کا مطلب ہے کہ JioPC کو انٹرنیٹ کنکشن سے قطع نظر استعمال کیا جا سکتا ہے، چاہے وہ کسی بھی ٹیلی کام یا براڈ بینڈ کمپنی سے ہو۔ کمپنی کے مطابق اسے پانچ منٹ سے بھی کم وقت میں فعال کیا جا سکتا ہے۔ اسے ڈیٹا کی منتقلی یا نئے ہارڈ ویئر کی تنصیب کی ضرورت نہیں ہے۔ یہ بات قابل غور ہے کہ جیو پی سیپہلے صرف جیو ہوم براڈ بینڈ صارفین تک محدود تھا۔
جیو کا دعویٰ ہے کہ JioPC پرانے کمپیوٹرز کو اتنا طاقتور بنا سکتا ہے کہ وہ آسانی سے AI کی بھاری پروسیسنگ اور اسٹوریج کی ضروریات کو پورا کر سکتے ہیں۔ اس کو حاصل کرنے کے لیے، کمپیوٹنگ کا ایک اہم حصہ جیو پی سی کے کلاؤڈ پر کیا جائے گا۔ کمپنی کے مطابق، 8 سال پرانا کمپیوٹر بھی آج کی AI سے چلنے والی ایپس کے لیے مطلوبہ کارکردگی، اسٹوریج اور صلاحیتوں کو حاصل کر سکتا ہے۔
جیو پی سیکے پلان1,000روپے سے شروع ہوتے ہیں۔ 8GB ریم اور 500 جی بی سٹوریج کے ساتھ دو ماہ کا پلان1,000روپے میں دستیاب ہوگا، جب کہ جیو پی سی الٹراکی 16GB ریم اور 1TB اسٹوریج کے ساتھ دو ماہ کے لیے1,200روپے کی قیمت ہے۔ پانچ ماہ کے پلانس بالترتیب 2,000روپے اور2,500روپے میں دستیاب ہوں گے۔ 12 ماہ کے پلان، یعنی 10 2-ماہ کے پلان کی قیمت 4,000روپے اور 5,000 روپے ہے۔ تمام قیمتوں میں جی ایس ٹی شامل ہے۔
ریلائنس جیو کے ترجمان کے مطابق جیو پی سی کلاؤڈ پر چلتا ہے، اس لیے اسے اچھے اور مستحکم انٹرنیٹ کنیکشن کی ضرورت ہے۔ اسے قابل اعتماد 4G یا 5G کنکشن کے ساتھ ساتھ براڈ بینڈ پر بھی استعمال کیا جا سکتا ہے۔
یو این آئی۔ ایف اے۔ م الف