تہران، 2 ستمبر (یو این آئی) ایران نے بحرین اور اردن میں امریکی فوجی اڈوں پر حملہ کر کے ریڈار تنصیبات اور فوجی مراکز کو نشانہ بنایا ہے ایرانی فوج نے بدھ کو یہ اطلاع دی فارس نیوز ایجنسی کے مطابق، فوج نے کہا کہ ’’ایرانی فوج نے بحرین میں شیخ عیسیٰ ہوائی اڈے پر امریکی فوجیوں کی ریڈار تنصیبات اور فوجیوں کے اجتماع کے مراکز پر بڑے پیمانے پر ڈرون سے حملہ کیا۔‘‘
اس سے پہلے اسلامی انقلابی گارڈ کور (آئی آر جی سی) نے کہا کہ امریکہ کے حملوں کے جواب میں بیلسٹک میزائلوں سے اردن میں ایک امریکی فوجی اڈے پر حملہ کیا گیا ہے۔
آئی آر جی سی نے ایک بیان میں کہا کہ ’’ان جرائم کے جواب میں، آئی آر جی سی فضائیہ کے بہادر جوانوں نے اردن میں میرین کے گیریژن ’کیمپ ٹِٹِن‘ پر بھاری بیلسٹک میزائلوں سے حملہ کیا۔‘‘
آئی آر جی سی کا دعویٰ ہے کہ اس حملے میں بڑی تعداد میں امریکی فوجی ہلاک و زخمی ہوئے اور ساتھ ہی بنیادی ڈھانچے اور فوجی ہیلی کاپٹروں کو بھی نقصان پہنچا۔
اس دوران، اردن کی مسلح افواج نے بدھ کو کہا کہ اردن کے فضائی دفاعی نظام نے 10 بیلسٹک میزائلوں کو روکا، جن میں سے تین ملک کی حدود کے اندر گرے۔
مسلح افواج نے ایک بیان میں کہا کہ ’’اردن کے فضائی دفاعی نظام نے ملک کی فضائی حدود میں داخل ہونے والے 13 بیلسٹک میزائلوں کے حملے کو روک دیا۔ ان میں سے 10 کو کامیابی سے روک کر تباہ کر دیا گیا، جبکہ تین رہائشی علاقوں سے دور گرے۔‘‘
یو این آئی۔ این یو۔