عالمی یومِ خواتین پر خصوصی پیش کش
نئی دہلی، 8 مارچ (یو این آئی) عالمی یومِ خواتین ہر سال 8 مارچ کو دنیا بھر میں منایا جاتا ہے اس دن کا مقصد خواتین کی سماجی، معاشی، ثقافتی اور سیاسی کامیابیوں کو خراجِ تحسین پیش کرنا اور خواتین کے حقوق، مساوات اور بااختیار بنانے کے بارے میں شعور اجاگر کرنا ہے عالمی یومِ خواتین منانے کے چند اہم مقاصد میں خواتین کے حقوق اور مساوات کے بارے میں آگاہی پیدا کرنا،معاشرے میں خواتین کی کامیابیوں کو تسلیم کرنا،صنفی امتیاز اور تشدد کے خلاف آواز اٹھانا، خواتین کو تعلیم، روزگار اور قیادت کے مواقع فراہم کرنے کی حوصلہ افزائی کرنا شامل ہیں۔

دنیا بھر میں اس دن مختلف سرگرمیاں منعقد کی جاتی ہیں، جیسےسیمینار اور کانفرنسیں، آگاہی مہمات، ثقافتی تقریبات، خواتین کی کامیابیوں کو اعزازات دینا وغیرہ۔
آج کے دور میں بھی دنیا کے کئی حصوں میں خواتین کو مساوی حقوق حاصل نہیں ہیں۔
اس لیے یہ دن ہمیں یاد دلاتا ہے کہ معاشرے میں حقیقی ترقی تب ہی ممکن ہے جب خواتین کو مردوں کے برابر مواقع اور احترام حاصل ہو۔

ایسے موقع پر اگربالی ووڈ کی وہ فلمیں جن میں خاص کر عورت کے حقوق ، معاشرے میں عورت کے مسائل کی بات نہ کی جائے تو بات ادھوری سی لگتی ہے۔
بالی ووڈ میں خواتین کی زندگی، جدوجہد، حقوق اور خودمختاری پر مبنی کئی اہم فلمیں بنی ہیں جنہوں نے معاشرے میں خواتین کے مسائل اور طاقت کو مؤثر انداز میں پیش کیا۔
بالی ووڈ میں خواتین کا کردار وقت کے ساتھ نمایاں طور پر تبدیل ہوا ہے۔
ابتدا میں خواتین کو زیادہ تر روایتی کرداروں میں دکھایا جاتا تھا، لیکن آہستہ آہستہ فلموں میں خواتین کو مضبوط، خود مختار اور بااختیار شخصیت کے طور پر پیش کیا جانے لگا۔
بالی ووڈ کے ابتدائی زمانے میں خواتین کے کردار زیادہ تر ماں، بیوی یا محبوبہ تک محدود ہوتے تھے۔
ان کرداروں میں قربانی، صبر اور خاندانی اقدار کو اہمیت دی جاتی تھی۔
اس دور کی نمایاں اداکاراؤں میں نرگس اور مینا کماری، نوتن، وغیرہ شامل ہیں۔

عالمی یومِ خواتین ہر سال 8 مارچ کو منایا جاتا ہے۔
اس موقع پر بالی ووڈ کی کئی اداکارائیں نہ صرف اپنی فلموں کے ذریعے بلکہ سماجی سرگرمیوں اور فلاحی کاموں کے ذریعے بھی خواتین کو بااختیار بنانے کا پیغام دیتی ہیں۔
بالی ووڈ کی ہیروئنیں آج صرف اداکاری تک محدود نہیں رہیں بلکہ وہ معاشرے میں خواتین کے حقوق اور برابری کی آواز بھی بن رہی ہیں۔

بالی ووڈ کے ابتدائی زمانے میں خواتین کو قربانی اور خاندانی اقدار کی علامت کے طور پر پیش کیا جاتا تھا۔
ہندی فلمی صنعت یعنی بالی ووڈ میں خواتین کا کردار وقت کے ساتھ مسلسل بدلتا اور مضبوط ہوتا گیا ہے۔
ابتدا میں خواتین کو زیادہ تر روایتی کرداروں جیسے ماں، بیوی یا محبوبہ تک محدود رکھا جاتا تھا، لیکن آج بالی ووڈ میں خواتین مرکزی کردار ادا کر رہی ہیں اور کئی فلمیں مکمل طور پر ان کے گرد گھومتی ہیں۔

سال 1957 میں ہدایت کار محبوب خان کی کلاسک فلم مدر انڈیا میں نرگس نے ایک مضبوط دیہاتی عورت کا کردار ادا کیا جو مشکلات کے باوجود اپنے خاندان اور اصولوں کی حفاظت کرتی ہے۔
یہ فلم ہندوستانی سینما کی تاریخ میں خواتین کی طاقت کی علامت سمجھی جاتی ہے۔
تو وہیں ہدایت کار مہیش بھٹ کی فلم ارتھ جو 1982 میں ریلیز ہوئی تھی، اس فلم میں ایک عورت کی خود اعتمادی اور خودمختاری کی کہانی بیان کی گئی ہے جو اپنے شوہر کی بے وفائی کے بعد اپنی نئی زندگی شروع کرتی ہے۔
اس میں شبانہ اعظمی کی اداکاری بہت سراہی گئی تھی۔
سال 2012 میں تھرلر فلم کہانی جس میں ودیا بالن نے ایک حاملہ عورت کا کردار ادا کیا ہے جو اپنے گمشدہ شوہر کی تلاش میں کولکاتا آتی ہے۔
فلم میں عورت کی ذہانت اور حوصلے کو نمایاں کیا گیا ہے۔
وکاس بہل کی فلم کوئن جس میں کنگنا رناوت نے ایک ایسی لڑکی کا کردار ادا کیا ہے جو منگنی ٹوٹنے کے بعد اکیلے ہی ہنی مون پر یورپ چلی جاتی ہے اور خود اعتمادی حاصل کرتی ہے۔
یہ سب عورت کے حوصلے اورجرات کو ایک سلام ہے۔
سال 2016 میں فلم پنک آئی تھی۔
اس فلم میں خواتین کے احترام اور “نہیں کا مطلب نہیں” جیسے اہم سماجی پیغام کو پیش کیا گیا ہے۔
فلم میں تاپسئی پنو اور امیتابھ بچن نے مرکزی کردار ادا کیے۔

سال 2020 میں ہدایت کار انوبھو سنہا کی فلم تھپڑ ریلیز ہوئی تھی ۔
اس فلم میں گھریلو تشدد کے مسئلے کو اجاگر کیا گیا ہے۔
فلم میں تاپسئی پنو نے ایک ایسی عورت کا کردار ادا کیا ہے جو ایک تھپڑ کے بعد اپنے وقار کے لیے آواز اٹھاتی ہے۔

ان فلموں نے بالی ووڈ میں خواتین کے کردار کو مضبوط اور بااختیار انداز میں پیش کیا ہے۔
ان میں عورت کو صرف روایتی کردار تک محدود نہیں رکھا گیا بلکہ اسے خود مختار، باہمت اور فیصلہ کرنے والی شخصیت کے طور پر دکھایا گیا ہے۔

ستراور اسی کی دہائی کے بعد فلموں میں خواتین کے کردار زیادہ حقیقت پسندانہ اور مضبوط ہونے لگے۔
اس دور میں اداکاراؤں جیسے شبانہ اعظمی اور سمیتا پاٹل نے سماجی مسائل اور خواتین کی جدوجہد کو اجاگر کرنے والی فلموں میں اہم کردار ادا کیا۔
آج کے بالی ووڈ میں خواتین مرکزی کردار ادا کر رہی ہیں اور کئی فلمیں خواتین کے گرد گھومتی ہیں۔
خواتین کو خود مختار، تعلیم یافتہ اور اپنے فیصلے خود کرنے والی شخصیت کے طور پر دکھایا جاتا ہے۔

بالی ووڈ میں کئی اداکاراؤں جیسے مادھوری دکشت، سری دیوی، ودیا بالن، کنگنا رناوت ،دپیکا پاڈکون نے خواتین کے کردار کو نئی پہچان دی۔
بالی ووڈ میں خواتین کا کردار مسلسل ترقی کر رہا ہے۔
آج خواتین صرف معاون کردار تک محدود نہیں بلکہ فلموں کی مرکزی کہانی اور کامیابی کا اہم حصہ بن چکی ہیں۔
خواتین پر مبنی فلمیں معاشرے میں خواتین کے حقوق، خودمختاری اور برابری کے پیغام کو بھی فروغ دیتی ہیں۔

دیپیکا پڈوکون نہ صرف کامیاب اداکارہ ہیں بلکہ ذہنی صحت کے موضوع پر بھی سرگرم ہیں۔
انہوں نے ڈپریشن کے بارے میں آگاہی پھیلانے کے لیے ایک فاؤنڈیشن قائم کی اور خواتین کو ذہنی صحت کے بارے میں بات کرنے کی ترغیب دی۔
پریانکا چوپڑا عالمی سطح پر ہندوستان کی نمائندگی کرنے والی اداکارہ ہیں۔
وہ خواتین کی تعلیم اور بچوں کے حقوق کے لیے بھی کام کرتی ہیں اور یونیسیف کی خیرسگالی سفیر بھی رہ چکی ہیں۔
ودیا بالن نے ایسی فلموں میں کام کیا ہے جن میں خواتین مرکزی کردار میں نظر آتی ہیں۔
فلم کہانی اور ڈرٹی پکچر میں ان کی اداکاری کو بہت سراہا گیا۔
کنگنا رناوت کو بالی ووڈ کی بے باک اداکارہ سمجھا جاتا ہے۔
فلم کوئن میں انہوں نے ایک خود مختار اور مضبوط لڑکی کا کردار ادا کیا جو اپنی زندگی کے فیصلے خود کرتی ہے۔
عالیہ بھٹ نئی نسل کی کامیاب اداکاراؤں میں شامل ہیں۔
انہوں نے فلم گنگوبائی کتھواڈی میں ایک طاقتور کردار ادا کر کے خواتین کی جدوجہد کو مؤثر انداز میں پیش کیا۔

عالمی یومِ خواتین کے موقع پر بالی ووڈ کی یہ اداکارائیں اس بات کی علامت ہیں کہ خواتین کسی بھی شعبے میں اپنی صلاحیتوں کے ذریعے نمایاں مقام حاصل کر سکتی ہیں۔
ان کی فلمیں اور سماجی سرگرمیاں خواتین کے حوصلے اور خود اعتمادی کو بڑھانے کا پیغام دیتی ہیں۔

بالی ووڈ میں خواتین کی نمائندگی معاشرے پر بھی اثر ڈالتی ہے۔
فلموں کے ذریعے خواتین کے حقوق، تعلیم، خودمختاری اور برابری کے پیغامات کو فروغ دیا جاتا ہے۔

بالی ووڈ میں خواتین کا کردار اب پہلے سے کہیں زیادہ مضبوط اور اہم ہو چکا ہے۔
فلموں میں ان کی نمائندگی نہ صرف تفریح فراہم کرتی ہے بلکہ معاشرے میں خواتین کی خودمختاری اور برابری کے شعور کو بھی فروغ دیتی ہے۔
مدر انڈیا، بندنی ، ارتھ، مرچ مسالہ،دامنی، لجا، چاندنی بار، فیش، نو ون کلڈ جیسکا، ڈرٹی پکچر، کہانی، انگلش ونگلش، کوئن، میری کوم، پنک، رازی، مردانی، تھپڑ، گنگوبائی کتھیاوادی،ڈارلنگس وغیرہ۔
ان فلموں میں خواتین کو صرف روایتی کردار تک محدود نہیں رکھا گیا بلکہ انہیں طاقتور، باہمت، خودمختار اور فیصلہ کرنے والی شخصیت کے طور پر پیش کیا گیا ہے۔
یہ فلمیں گھریلو تشدد، سماجی ناانصافی، خواتین کی آزادی، تعلیم اور خود اعتمادی جیسے موضوعات کو اجاگر کرتی ہیں۔

عالمی یومِ خواتین کی ابتدا ء20ویں صدی کے اوائل میں مزدور خواتین کی تحریکوں سے ہوئی۔
1910 میں ڈنمارک کے شہر کوپن ہیگن میں ہونے والی ایک بین الاقوامی سوشلسٹ خواتین کانفرنس میں جرمن رہنماکالرا زیٹکن نے خواتین کے عالمی دن کی تجویز پیش کی۔
بعد میں 1975 میں اقوام متحدہ نے اسے باضابطہ طور پر منانا شروع کیا۔

یو این آئی ایم جے۔