EntertainmentPosted at: Aug 3 2026 12:58PM

رندیپ ہڈا سیلاب سے متاثرہ آسام میں امدادی کاموں میں مصروف، شیو ساگر میں خاندانوں تک پہنچائی مدد

ممبئی، 3 اگست (یواین آئی) بالی ووڈ اداکار، فلم ساز اور سماجی کارکن رندیپ ہڈا نے سیلاب سے متاثرہ آسام کے ضلع شیو ساگر کا دورہ کر کے امدادی کاموں میں سرگرم شرکت کی۔
رندیپ ہڈا نے غیر سرکاری تنظیم 'گلوبل سکھس' کے رضا کاروں کے ساتھ مل کر متاثرہ خاندانوں میں امدادی سامان تقسیم کیا۔

رندیپ ہڈا نے شیو ساگر میں دو دن گزار کر شیو ساگر ریلوے اسٹیشن پر پناہ لیے ہوئے سیلاب متاثرہ خاندانوں کو راشن کٹ، تازہ کھانا، گدے، ترپال، بستر، گھریلو استعمال کا سامان اور ٹائلٹریز جیسی ضروری اشیاء فراہم کیں۔
یہ خاندان آس پاس کے ان دیہاتوں سے آئے ہیں جو سیلاب کے پانی میں ڈوب گئے ہیں۔

گلوبل سکھس گزشتہ ایک ہفتے سے آسام کے مختلف سیلاب سے متاثرہ علاقوں میں کھانا، پناہ گاہ اور دیگر ضروری مدد فراہم کر رہی ہے۔
رندیپ کئی سالوں سے اس تنظیم سے وابستہ ہیں اور اس سے پہلے بھی پنجاب، کیرالہ اور نو شہرہ کی امدادی مہمات میں متحرک کردار ادا کر چکے ہیں۔

سیلاب سے متاثرہ لوگوں سے ملاقات کے بعد رندیپ ہڈا نے کہا کہ جب کسی شخص کو ایک ہی رات میں اپنا گھر، سامان اور تحفظ کا احساس کھوتے ہوئے دیکھا جاتا ہے، تب زندگی کی نازکی کا واقعی احساس ہوتا ہے۔
انہوں نے کہا کہ متاثرہ خاندانوں کو ہمدردی سے زیادہ تعاون، احترام اور امید کی ضرورت ہے۔
انہوں نے گلوبل سکھس کے رضاکاروں کے بے غرض خدمت کے جذبے کی ستائش کرتے ہوئے کہا کہ یہ تنظیم بغیر کسی تفریق کے ضرورت مند لوگوں کی مدد کرتی ہے اور یہی سچی انسانیت ہے۔
انہوں نے کہا کہ آسام میں سیلاب سے ہوئی تباہی انتہائی تکلیف دہ ہے۔
چھوٹے بچوں، بزرگوں اور خاندانوں کو سب کچھ چھوڑنے پر مجبور ہونا پڑا ہے۔
ایسے وقت میں انہیں کھانا، صاف پانی، محفوظ پناہ گاہ، ادویات اور اس بھروسے کی ضرورت ہے کہ وہ اکیلے نہیں ہیں۔
انہوں نے لوگوں سے اپنی استطاعت کے مطابق عطیہ، رضاکارانہ خدمت یا قابلِ اعتماد تنظیموں کے ذریعے امدادی کاموں میں تعاون کرنے کی اپیل کی۔
آسام کے قیام کے دوران رندیپ ہڈا نے شیو ساگر گردوارہ صاحب میں ماتھا ٹیک کر سیلاب سے متاثرہ لوگوں کی سلامتی، اچھی صحت اور جلد معمول کی زندگی کی دعا کی۔
انہوں نے امدادی اور بچاؤ کاموں میں لگے رضاکاروں اور بچاؤ اہلکاروں کے لیے بھی ارداس کی۔

رندیپ ہڈا کی یہ امدادی مہم معاشرے کے تئیں ان کی وابستگی اور انسانی خدمت کے لیے ان کی مسلسل لگن کی ایک اور مثال مانی جا رہی ہے۔

یواین آئی۔
الف الف

Entertainment

’’اننیا راج ایک فائٹر تھیں، خدا ان کی روح کو سکون دے، وہ اب ایک بہتر مقام پر ہیں‘‘: سیرت کپور

روہت صراف کا نیا اوتار، سچندر ناتھ سانیال کے رول میں زبردست انداز

کینڈڈ لمحات سے لے کر فطرت کی خوبصورتی تک، ورلڈ فوٹوگرافی ڈے پر سونی سب کے فنکاروں نے اپنی پسند شیئر کی

’’اننیا راج ایک فائٹر تھیں، خدا ان کی روح کو سکون دے، وہ اب ایک بہتر مقام پر ہیں‘‘: سیرت کپور

18 Aug 2026 | 6:08 PM

ممبئی، 18 اکتوبر (یو این آئی) اداکارہ سیرت کپور نے اپنی فلم ’ماریچ‘ کی شریک اداکارہ اننیا راج کے انتقال پر جذباتی خراجِ عقیدت پیش کیا ہے۔ اننیا راج کا تقریباً ایک ماہ قبل انتقال ہوا تھا، جس کی اطلاع ان کے اہل خانہ نے حال ہی میں سوشل میڈیا کے ذریعے دی۔ .