EntertainmentPosted at: Jun 5 2026 4:29PM

ہندستانی سنیما کے دوسرے سہگل تھے ماسٹر مدن

(یوم وفات 5 جون کے موقع پر )
ممبئی، 5جون (یو این آئی) ہندوستانی موسیقی کی دنیا میں اپنے سروں کے جادو سے سامعین کو مسحور کرنے والے گلوکار تو کئی آئے اور ان کا جادو بھی سر چڑھ کر بولا لیکن کچھ ایسے بھی گلوکار ہوئے جو گمنامی کے اندھیرے میں گم ہو گئے اور آج انہیں کوئی یاد بھی نہیں کرتا۔
انہیں میں سے ایک تھے ماسٹر مدن۔

ماسٹر مدن کی پیدائش 28دسمبر 1927کو پنجاب کے جالندھر شہر کے ایک سکھ خاندان میں ہوئی تھی۔
ماسٹر مدن کے والد سردار امر سنگھ ہندوستانی حکومت کے محکمہ تعلیم میں کام کرتے تھے۔
ان کے والد موسیقی سے دلچسپی رکھتے تھے اور وہ ہارمونیم اور طبلے کے ماہر تھےجبکہ ان کی ماں مذہبی خیالات کی خاتون تھیں۔
ماسٹر مدن کے بھائی بہن بھی موسیقی میں کافی دلچسپی رکھتے تھے اور گلوکاری اور ساز و آواز کے میدان میں بڑی شہرت رکھتے تھے۔
گھرمیں موسیقی کا ماحول ہونے کی وجہ سے ماسٹر مدن بھی موسیقی میں دلچسپی لینے لگے۔

موسیقی کے ذوق کا یہ عالم تھا کہ محض دوسال کی عمر سے ہی ماسٹر مدن نے اپنی 14سالہ بڑی بہن سے موسیقی کی تربیت لینی شروع کردی تھی۔
اس کے علاوہ انہوں نے موسیقار پنڈت امرناتھ اور گوسائی بھگود کشور سے بھی موسیقی کی تربیت حاصل کی۔
ماسٹر مدن اپنے بڑے بھائی موہن کےساتھ موسیقی کا ریاض کیا کرتے تھے۔
وہ مدن کو بھی اپنے ساتھ تقاریب میں لے جاتے۔
مدن کی آواز بہت سریلی تھی اور ایک طرح کی چاشنی اور کشش ان مذہبی کیرتن میں بہت ابھر کر آتی تھی جو عموماً سکھوں کی مذہبی محفلوں اور گردواروں میں منعقد ہوتی تھیں۔
پنڈت امرناتھ گھر پر ماسٹر مدن کے دونوں بھائیوں کو موسیقی کی اعلیٰ تعلیم دینے آتے تھے۔
اس دوران مدن بھی وہیں کہیں آس پاس موجود رہتے ، یاد رہے کہ یہ وہی پنڈت امر ناتھ ہیں، جو نہ صرف ہندوستان کے بہت بڑے اور مایہ ناز موسیقار تھے بلکہ ایک اور نامور موسیقار حسن لال بھگت رام کے بڑے بھائی بھی تھے۔

ان دنوں مشہور گلوکار کندن لال سہگل شملہ میں ریمنگٹن نامی ٹائپ رائٹر کمپنی میں کام کرتے تھے اور وہ ماسٹر مدن کے گھر اکثر آیا کرتے تھےاور ان کے بڑے بھائی کے ساتھ موسیقی کا ریاض کیا کرتے تھے جسے ماسٹر مدن بھی سنا کرتے تھے۔

صرف ساڑھے تین یا چار برس کی عمر میں مدن نے پہلی پبلک پرفارمنس دی۔
انھوں نے راگ در پد میں گانا سنایا تھا۔
سامعین موسیقی پر ان کی گرفت پہ حیران رہ گئے تھے۔
موسیقی کے راگوں سے واقفیت رکھنے والے حیران تھے کہ جو سُر مدن کے گلے سے نکل رہے ہیں اور جو کیفیت اس کم عمر بچے کی وہ دیکھ رہے ہیں۔
وہ انتہائی حیران کن ہے۔
کیا اس کے گلے میں بھگوان بول رہے تھے؟ سُر تال پہ ان کی گرفت اور ایک وجدانی کیفیت نے انھیں راتوں رات مشہور کر دیا۔
سنگیت کی محفل کے اختتام پر انھیں ایک سونے کی انگوٹھی اور گولڈ میڈل دیا گیا۔
ہندوستان کے تمام بڑے اخباروں میں ان کی تصاویر شائع ہوئیں اور وہ ایک ’’ننھے منے لیجنڈ‘‘ بن گئے۔
اب ہر جگہ ان کی تصاویر کے پوسٹر لگے نظر آتے۔

پورے ملک میں ماسٹر مدن کے نام کا ڈنکا بجنے لگا جس میں میڈیا کا بہت اہم رول رہا ۔
اتنا ہی نہیں دی ہندو اخبار نے ماسٹر مدن کا فوٹو اپنے اخبار کے پہلے صفحہ پر شائع کیا۔
اس کے بعد تو ماسٹر مدن کی مقبولیت ملک کے کونے کونے تک پھیل گئی اور لوگ انہیں موسیقی کا پروگراموں کی دعوت دینے لگے۔
ماسٹر مدن اپنے بھائی کے ساتھ بھی پروگراموں میں حصہ لینے جایا کرتے تھے۔
اپنے شہر میں منعقدہ پروگراموں میں حصہ لینے کے لئے انہیں 80 روپے ملا کرتے تھے جبکہ شہر سے باہر پروگرام ہونے پر انہیں 250 روپے اجرت ملتی تھی۔

ماسٹر مدن واقعی ایک طلسماتی آواز کے حامل تھے اور ساغر نظامی کی لکھی ہوئی غزل ’’حیرت سے تک رہا ہے‘‘ انہوں نے ساڑھے نو سال کی عمر میں آل انڈیا ریڈیو دہلی پر پیش کی تھی۔
مدتوں تک یہی دو غزلیں میسر رہیں لیکن ایک عرصے بعد دوران تحقیق ماسٹر مدن کی گائی ہوئی دو مزید غزلیں، چار اردو گیت اور دو پنجابی گیت بھی تلاش کرلئے گئے۔
ان میں سے ایک دو کے سوا باقی تمام یو ٹیوب پر موجود ہیں۔

چودہ برس پانچ مہینے اور گیارہ دن کی کی عمر میں یہ معصوم گلوکار فوت ہو گیا اور اس کی وجہ یہ تھی کہ کسی حاسد گلوکار نے اسے دودھ میں زہر ملا کر پلا دیا تھا۔
ایک عرصے تک یہ کہا جاتا رہا کہ سہگل نے اسے مروا دیا تھا لیکن یہ محض جھوٹا الزام ہی رہا۔

افسوس کہ ماسٹر مدن کو موت کے ظالم ہااتھوں نے موسیقی کی دنیا سے چھین لیا ورنہ خدا جانے ان سے ہم کیا کیا اور حاصل کرتے ایسی صلاحیت خدا داد ہوتی ہے۔
اپنے آپ کوئی حاصل نہیں کر سکتا۔

ماسٹر مدن نے اپنا پہلا پروگرام محض ساڑھے تین برس کی عمر میں دھرم پور میں پیش کیا۔
اس عمر میں اتنی سریلی آواز نے سامعین کی آنکھیں تک نم کردی تھیں۔
اس پروگرام میں ماسٹر مدن کو سننے والی کچھ شاستری سنگیت کی معروف ہستیاں موجود تھیں جو ان کی موسیقی کی صلاحیت سے بے انتہا متاثر ہوئیں۔
انہوں نے کہاکہ کہ ان بچے میں ضرور کوئی خاص بات ہے ۔
ایسی صلاحیت خداداد ہوا کر تی ہیں۔
ماہرین نے کہا کہ ہم نے آج سے پہلے اتنا بہترین گانا کبھی نہیں سنا تھا پورے ملک میں اس بچے کی صلاحیت کا کوئی مقابلہ نہیں کرسکتا تھا۔

ماسٹر مدن کی آواز کی صحیح تعریف کرنا ہرکسی کے بس بات نہیں۔
لاکھوں بار ان کو سن کر بھی ان کی گائی غزلوں کا تاثر ختم نہیں ہوتا ۔
آواز صرف کھنکتا سکہ نہیں ایک سحر طاری کر دینے والی کوئی چیز ہے۔

یو این آئی۔
این یو۔

Entertainment

'دلہنیا لے آئے گی' کا نیا گانا 'جلوہ' ریلیز

پشکر جوگ نے یوکے میں اپنی نئی ہندی فلم ’انترال‘ کی شوٹنگ شروع کی

کلپنا پٹواری کا نیا بھوجپوری گیت 'نواب راجہ' ریلیز

'باہوبلی: دی بگننگ' کے 11 سال مکمل، پربھاس کے بہترین ڈائیلاگ آج بھی ہیں مداحوں کی زبان پر

دیہاتی میڈم کو 'تھوڑی سی امید تھوڑا سا آسمان' کی ویدیہی میں دکھیں اپنی جدوجہد کی کہانی

'دلہنیا لے آئے گی' کا نیا گانا 'جلوہ' ریلیز

10 Jul 2026 | 6:35 PM

ممبئی، 10 جولائی (یو این آئی) جلد ریلیز ہونے والی فیملی انٹرٹینر فلم 'دلہنیا لے آئے گی' کا نیا ویڈنگ سونگ 'جلوہ' ریلیز کر دیا گیا ہے۔ خوشالی کمار پر فلمایا گیا یہ ہائی انرجی ڈانس نمبر شادی کے جشن اور تہوار کے رنگوں کو پردے پر متحرک کرتا ہے۔.