EntertainmentPosted at: Nov 14 2025 6:42PM

سدا بہار اداکارہ کامنی کوشل

Evergreen actress Kamini Kaushal
ممبئی، 14 نومبر (یو این آئی) بالی وڈ فلم انڈسٹری میں 40 اور50 کی دہائی میں متعدد ایسی اداکارہ جلوہ گر ہوئیں، جنہوں نے طویل عرصے تک اپنی فنکارانہ عظمت کا سکہ جمائے رکھا۔
کامنی کوشل بھی انہیں میں سے ایک تھیں اور اسی بنا پر انہیں عہد ساز اداکارہ کہا جاتا تھا۔

کامنی کوشل کی پیدائش 24 فروری 1927کو لاہور میں ہوئی تھی۔
وہ دو بھائیوں اور تین بہنوں میں سب سے چھوٹی تھیں۔
ان کے والد پروفیسر شورام کپں پنجاب یونیورسٹی میں باٹنی کے پروفیسر تھے۔
وہ اس دور کی مشہور شخصیت تھے اور انہیں انڈین باٹنی کا بابا آدم کہا جاتا ہے۔
جب وہ سات برس کی تھیں، تو ان کے والد کا سایہ سر سے اٹھ گیا ۔
کامنی کوشل نے کنیئرڈ کالج، لاہور سے انگریزی لٹریچر میں بی اے آنرز کیا۔
سال 1946ء میں انہیں چیتن آنند نے اپنی فلم ’’نیچا نگر‘‘ میں اداکاری کی پیش کش کی جسے انہوں نے قبول کرلیا اور انہیں اس فلم کے لئے کانس فلم فیسٹول میں ممتاز گولڈن پام ایوارڈ اور دوسری فلم ’براج بہو‘ کے لیے بہترین اداکارہ کا فلم فیئر ایوارڈ ملا۔

نوعمر ی سے ہی وہ تیراکی ، گھڑ سواری اور آکاش وانی پر ریڈیو ڈرامے کرتی رہیں اور انہیں فی ڈرامہ دس روپے ملتے تھے ۔
کالج کے زمانے میں وہ اشوک کمار کی بڑی مداح تھیں۔
’’نیچا نگر‘‘ میں ان کی پرفارمنس کو کافی پسند کیا گیا۔
ان کا اصل نام اوما کشیپ تھا، لیکن چیتن آنند نے انہیں مشورہ دیا کہ وہ اپنا نام بدل لیں اور یوں وہ اوما سے کامنی کوشل بن گئیں۔
ایسا کم ہی دیکھا گیا ہے کہ کسی فلم میں اداکارہ کا نام ہیرو کے نام سے پہلے آئے لیکن 40کی دہائی میں کامنی کوشل کی فلموں میں ان کا نام ہیرو سے پہلے آتا تھا۔
قابل ذکر ہے کہ 1942-45 میں وہ دہلی میں اسٹیج ایکٹریس کے طور پر بھی کام کرتی رہیں۔

سال 1947ء میں اچانک کامنی کوشل کی شادی ہوگئی۔
یہ بھی ایک الگ کہانی ہے۔
ہوا یوں کہ کامنی کوشل کی بڑی بہن کا ایک کار حادثے میں انتقال ہوگیا، ان کی دو بیٹیاں تھیں۔
کامنی کوشل کو اپنی بھانجیوں کی نگہداشت کیلئے اپنے بہنوئی بی ایس سود سے شادی کرنی پڑی۔
بی ایس سود بامےد پورٹ ٹرسٹ میں چیف انجینئر تھے۔
1948ء میں کامنی کوشل ممبئی منتقل ہوگئیں۔

وہ ہندی فلموں کی پہلی ہیروئن ہیں، جو شادی کے بعد مرکزی کردار ادا کرتی رہیں اور انہیں مسلسل پذیرائی ملتی رہی۔
شادی ان کے فلمی کریئر پر کبھی اثرانداز نہیں ہوئی۔
ان کے علاوہ جن ہیروئنوں کو شادی کے بعد بھی کامیابی ملتی رہی، ان میں مالا سنہا، شرمیلا ٹیگور، وجنتی مالا، سروجا دیوی اور موسمی چٹرجی شامل ہیں۔
کامنی کوشل حسین تھیں اور پھر فطری اداکاری میں بھی ان کا کوئی جواب نہیں تھا۔
وہ رومانوی اور المیہ کرداروں میں اپنی چھاپ چھوڑ جاتی تھیں۔
انہوں نے اشوک کمار، راج کپور، دیو آنند اور دلیپ کمار کے ساتھ مرکزی کردار نبھائے۔

جاری۔
یو این آئی۔
این یو۔

Entertainment

سری دیوی کا خواتین کے مرکزی کرداروں کو فلموں میں غیر معمولی اہمیت دلانے میں اہم کرداررہا

یوگیتا بالی ، ہندی سنیما کی وہ اداکارہ جو آج گمنامی کے اندھیرے میں ہے

سری دیوی یوم پیدائش تین آخری

12 Aug 2026 | 2:24 PM

سال 1996 میں انہوں نے فلمساز و ہدایت کار بونی کپور سے شادی کے بعد فلموں میں کام کرنا کافی حد تک کم کردیا۔ سال 1997 میں ریلیز ہوئی فلم جدائی سری دیوی کی بطور ہیروئن آخری فلم تھی۔ اس فلم میں ان کے ہیرو انل کپور تھے۔ یہ فلم بھی ایک بڑی ہٹ ثابت ہوئی۔.