نئی دہلی، 03 ستمبر (یواین آئی) ہریانہ کے ہتھنی کنڈ بیراج سے مسلسل پانی چھوڑنے کی وجہ سے دہلی میں بدھ کی صبح جمنا خطرے کے نشان سے 1.50 میٹر اوپر پہنچ گئی سنٹرل واٹر کمیشن کے مطابق پرانے ریلوے پل پر آج صبح 10 بجے جمنا کی پانی کی سطح 206.89 میٹر ریکارڈ کی گئی جو خطرے کے نشان سے 1.56 میٹر اوپر ہے۔ یہاں خطرے کا نشان 205.33 میٹر ہے جمنا کے پانی کی سطح میں مسلسل اضافے کے باعث دریا کے ساتھ نشیبی علاقوں میں پانی گھروں میں داخل ہوگیا ہے اور بڑی تعداد میں لوگ دوسری جگہوں پر جانے یا ریلیف کیمپوں میں پناہ لینے پر مجبور ہوگئے ہیں۔
ہتھنی کنڈ بیراج سے مسلسل لاکھوں کیوسک پانی چھوڑنے سے دہلی میں سیلاب جیسی صورتحال پیدا ہوگئی ہے۔ حکومت نے عوام کو یقین دلایا ہے کہ انتظامیہ کسی بھی صورتحال سے نمٹنے کے لیے تیار ہے۔
13 جولائی 2023 کو دہلی میں جمنا کی سب سے زیادہ پانی کی سطح 208.66 میٹر ریکارڈ کی گئی۔
محکمہ موسمیات نے اگلے چھ دنوں تک کوئی انتباہ جاری نہیں کیا ہے، حالانکہ دہلی میں 07 ستمبر تک بارش کا امکان ہے۔
یواین آئی۔ ظ ا