NationalPosted at: Dec 2 2025 8:31PM ہندوستان اور جارجیا کے مابین اطلاعاتی ٹیکنالوجی اور دوا سازی کے شعبے میں تعاون کے کافی امکانات ہیں: اوم برلا
نئی دہلی، 02 دسمبر (یو این آئی) لوک سبھا کے اسپیکر اوم برلا نے منگل کو کہا کہ ہندوستان اور جارجیا کے مابین اطلاعاتی ٹیکنالوجی، دواسازی، صاف توانائی، ثقافت اور سیاحت کے شعبوں میں تعاون کے کافی امکانات موجود ہیں آج مسٹر برلا نے جارجیا کے اعلیٰ سطحی پارلیمانی وفد کے ساتھ دو طرفہ بات چیت کی، جس کی قیادت جارجیا کی پارلیمنٹ کے چیئرمین شالوا پاپواشویلی کر رہے تھے۔
بات چیت کے دوران پارلیمانی تعاون کو بڑھانے، نئے ادارہ جاتی تعلقات قائم کرنے اور تجارت، ٹیکنالوجی، تعلیم، توانائی اور عوامی رابطوں سمیت مختلف شعبوں میں تعاون کو فروغ دینے کے حوالے سے تبادلۂ خیال کیا گیا۔
انہوں نے کہا کہ بات چیت میں ادارہ جاتی تعاون کو مضبوط بنانے، بہترین طور طریقوں کے تبادلے اور پارلیمانی کمیٹیوں کے کردار کو بڑھانے پر بات ہوئی۔