نئی دہلی، 14 جون (یو این آئی) ایئر انڈیا نے احمد آباد طیارہ حادثے میں ہلاک ہونے والوں کے لواحقین کو 25 لاکھ روپے یا 21 ہزار پاؤنڈ دینے کا اعلان کیا ہے۔
ایئر انڈیا نے ایکس پر ایک پوسٹ میں لکھا-’’ایئر انڈیا ان مسافروں کے خاندانوں کے ساتھ یکجہتی کے لیے کھڑا ہے جو اس المناک حادثے میں اپنی جانیں گنوا بیٹھے ہیں۔ ہماری ٹیمیں ان کی دیکھ بھال اور اس ناقابل یقین حد تک مشکل وقت میں ان کی مدد کے لیے ہر ممکن کوشش کر رہی ہیں۔"
ایئر لائن نے کہا کہ اس کی مسلسل کوششوں کے ایک حصے کے طور پر، ایئر انڈیا مرنے والوں اور لواحقین کے خاندانوں کو ان کی فوری مالی ضروریات کو پورا کرنے میں مدد کے لیے 25 لاکھ روپے یا تقریباً 21,000 پاؤنڈ کی عبوری ادائیگی فراہم کرے گا۔ یہ ٹاٹا سنز کی طرف سے پہلے ہی اعلان کردہ 1 کروڑ روپے یا تقریباً 85,000 پاؤنڈ کے علاوہ ہے۔ ایئر انڈیا کے طیارے کے حادثے سے ہم سب بہت غمزدہ ہیں۔ ہم خاندانوں، پیاروں اور تمام متاثرہ افراد کے نقصان پر غمزدہ ہیں۔
یواین آئی، م ش