بستی:11دسمبر(یواین آئی) اترپردیش کے وزیر اعلی یوگی آدتیہ ناتھ نے بدھ کو کہا کہ وزیر اعظم نریندر مودی کی قیادت میں ہندوستان تیزی سے ترقی کررہا ہے اور سال 2047 تک ہندوستان ترقی یافتہ ملک بن جائے گا کرما دیوی تعلیمی گروپ کے 15 ویں یوم تاسیس کے موقع پر مہمان خصوصی کے طور پر خطاب کرتے ہوئے یوگی نے کہا کہ وزیر اعظم نریندر مودی کی قیادت میں ہندوستان تیزی سے ترقی کی جانب گامزن ہے ہندوستان کو ترقی یافتہ ملک بنانے کے لئے ہمیں خودکفیل ہونے پڑے گا اور اس کے لئے پہلے ہمیں جدید تعلیم حاصل کرنا ہوگا۔
جب ہمارا گاؤں، شہر، ضلع، ریاست خود کفیل ہو جائے گا تب ہی ترقی یافتہ ہندوستان کا خواب پورا ہو گا۔ ہندوستان پوری دنیا میں ہر میدان میں اپنا جھنڈا بلند کر رہا ہے۔ جس طرح چین نے کورونا کے دور میں بھارت کو ادویات فراہم کرنے سے انکار کیا اور دھوکہ دیا۔ وزیر اعظم نریندر مودی کی قیادت میں فارمیسی انڈسٹری نے ادویات بنا کر پوری دنیا کو ایک نیا پیغام دیا ہے۔
انہوں نے کہا کہ 1947 سے 2014 تک ہندوستان معاشی نظام میں 11ویں نمبر پر تھا لیکن 2014 کے بعد ہندوستان دنیا کی پانچویں معیشت بن گیا۔ مثبت سوچ ہمیں بہت آگے لے جا سکتی ہے صرف مثبت سوچ کے ذریعے ہی ہندوستان بہت تیزی سے ترقی کر رہا ہے۔منفی سوچ ہمیں گڑھے میں گرا سکتی ہے، اس لیے ہمیں ہمیشہ مثبت سوچ کے ساتھ آگے بڑھنا چاہیے۔ ہندوستان کی زبانیں ہندوستان کے اتحاد کی علامت ہیں ہمیں تمام زبانوں کا مطالعہ کرنا چاہیے۔ ہمیں ہمیشہ ایک عظیم ہندوستان کے لیے کام کرتے رہنا چاہیے۔
انہوں نے کہا کہ پوروانچل کے لوگ 50 سال پیچھے رہ گئے ہیں کیونکہ پچھلی حکومتوں نے جدیدیت، تعلیم اور وسائل پر توجہ نہیں دی، پچھلی حکومتوں نے مسئلہ کو مسئلہ سمجھا اور اسے حل کرنے سے دور بھاگتی رہیں۔ اس وجہ سے یہاں کے نوجوانوں نے نقل مکانی شروع کر دی۔اگر اس وقت فارمیسی کالج، انجینئرنگ کالج اور لاء کالج ہوتے تو آج یہاں کے نوجوان ہر میدان میں اپنی شناخت چھوڑ رہے ہوتے۔ فارمیسی سیکٹر ایک بہت بڑا شعبہ ہے۔ بندیل کھنڈ میں فارمیسی کو آگے بڑھانے کے لیے صنعت قائم کی گئی ہے۔ پوری دنیا آپ کا انتظار کر رہی ہے، مثبت سوچ کے ساتھ آگے بڑھیں اور درست سمت میں صحیح کام کریں۔دنیا کی سرفہرست 100 کمپنیوں میں سے 20 کمپنیوں کے سی ای او کا تعلق ہندوستان سے ہے جو کہ بڑے فخر کی بات ہے۔
انہوں نے کہا کہ جب حکومت اور سماج مل کر کام کریں گے تب ہی ہمارا گاؤں، شہر، ضلع اور ریاست ترقی کی طرف بڑھے گی۔مشرقی اتر پردیش کو وسائل کے معاملے میں ہمیشہ نظر انداز کیا گیا ہے لیکن ریاستی حکومت نے بستی، سدھارتھ نگر، دیوریا، مہاراج گنج میں میڈیکل کالج قائم کرکے صحت کے شعبے کو ایک نئی سمت دی ہے۔
انہوں نے کہا کہ آج ہی کے دن منڈیروا شوگر مل پر انناداتا کاشتکار احتجاج کر رہے تھے، اس دوران فائرنگ کی وجہ سے تین کسان شہید ہو گئے تھے اور پچھلی حکومت نے مونڈیروا شوگر مل کو فروخت کر دیا تھا تو یہاں کے عوامی نمائندے نے مجھے بتایا تو شوگر مل دوبارہ شروع کی گئی۔ مرکزی اور ریاستی حکومتیں کسانوں کی آمدنی کو دوگنا کرنے کے لیے مسلسل کوششیں کر رہی ہیں۔
انہوں نے کہا کہ ریاستی حکومت قدرتی کھیتی کو فروغ دے رہی ہے اور ہم گائے کے گوبر کی کھاد سے اچھی، صحت مند فصل اگا سکتے ہیں۔ فصلوں میں کیڑے مار ادویات کے استعمال سے بچنے کے لیے مقامی کھادوں کا استعمال بہت ضروری ہے۔ ریاستی حکومت قدرتی کھیتی کے لیے کسانوں کو تربیت دے رہی ہے۔
شری یوگی نے تعلیمی ادارے کے پورے گروپ کو اس کے یوم تاسیس کے موقع پر مبارکباد دیتے ہوئے یہاں کے نوجوانوں کے لیے مسابقتی امتحانات کی تیاری کے لیے علیحدہ کلاسیں منعقد کرنے کی درخواست کی ہے۔
یواین آئی۔ولی