NationalPosted at: Aug 26 2016 6:26PM سنگاپور کے نائب وزیر اعظم کی مودی سے ملاقات
سنگا پور،26 اگست (یو این آئی) سنگا پور کے نائب وزیر اعظم تھرمن شموگارتنم نے آج یہاں وزیر اعظم نریندر مودی سے ملاقات کی۔ بااختیار ذرائع کے مطابق مسٹر شموگارتنم کے وزیر اعظم کو سنگاپور اور ہندوستان کے درمیان ہنرمندی کے فروغ اور اسمارٹ سٹی وغیرہ شعبوں میں باہمی تعاون کی صورت حال سے آگاہ کیا۔ وزیر اعظم نے سنگاپور کے سابق صدر ایس آر ناتھن کے انتقال پر گہرے افسوس کا اظہار کیا اور کہا کہ سنگا پور اپنے ایک عظیم سپوت سے محروم ہوگیا ہے۔ ذرائع کے مطابق مسٹر مودی نے پچھلے سال نومبر میں اپنے سنگا پور کے دورہ کا ذکر کیا جس کے دوران ہندوستان اور سنگا پور کے تعلقات کو نوعیت کے اعتبار سے اسٹرائجک قرار دیا گیاتھا۔ وزیر اعظم نے مزید کہا کہ وہ اپنے سنگاپوری ہم منصب لی ہسن لونگ کے مستقبل قریب میں ہندوستان کے دورہ کے شدت سے منتظر ہیں۔ یو این آئی۔ ایم اے۔ اے جے۔