نئی دہلی، 19 جنوری (یواین آئی) وزیر اعظم نریندر مودی نے آج کہا کہ کسی خیال کو کامیاب بنانے کے لیے اس کی طرف لگن اور کشش سب سے اہم ہے۔
آل انڈیا ریڈیو پر اپنے ماہانہ پروگرام "من کی بات" میں مسٹر مودی نے کہاکہ "شری سوامی وویکانند جی نے کہا تھا کہ صرف وہی شخص اپنے مقصد کو حاصل کر سکتا ہے اور اپنے خیال کو کامیاب بنا سکتا ہے۔ جس میں کشش اور لگن سب سے اہم ہے۔ جدت، تخلیق اور کامیابی کا راستہ صرف پوری لگن اور جوش و جذبے میں مضمر ہے۔
مسٹر مودی نے کہاکہ ’’سوامی وویکانند کے یوم پیدائش پر مجھے ’’ترقی یافتہ ہندوستان نوجوان لیڈروں کے ڈائیلاگ‘‘ کا حصہ بننے کا شرف حاصل ہوا۔ یہاں میں نے اپنا پورا دن ملک کے کونے کونے سے نوجوان دوستوں کے ساتھ گزارا۔ نوجوانوں نے اسٹارٹ اپ، ثقافت، خواتین، نوجوانوں اور انفراسٹرکچر جیسے کئی شعبوں پر اپنے خیالات کا اظہار کیا۔ یہ پروگرام میرے لیے بہت یادگار تھا۔
یواین آئی۔ ظ ا