اقوام متحدہ، 24 ستمبر (رائٹر) اقوام متحدہ سلامتی کونسل نے چین ، امریکہ، شمالی کوریا ، مصر ، ہندوستان ، ایران ، اسرائیل اور پاکستان سے ایٹمی تجربات پر بندش لگانے کے لئے ایک سمجھوتہ کرنے کی اپیل کی ہے۔ 1996 میں 160 سے زیادہ ممالک نے وسیع ایٹمی تجربات پابندی معاہدہ (سی ٹی بی ٹی) کو منظوری دی تھی۔ تب سے ہندوستان پاکستان اور شمالی کوریا ایٹمی تجربات کررہے ہیں اس ماہ شمالی کوریا نے پانچواں اور سب سے بڑا ایٹمی تجربہ کیا ہے۔ 15 رکنی سلامتی کونسل نے آج امریکہ کے تیار کردہ قرار داد کے مسودہ کو پیش کیا جس کے حق میں 14 ووٹ پڑے جبکہ مصر نے ووٹنگ میں حصہ نہیں لیا۔ حالانکہ یہ مسودہ کی پابندی قانوناًلازمی نہیں ہوگی لیکن سیاسی طور سے ایٹمی تجربہ سے متعلق سمجھوتہ پر عمل درآمد پر زور دیا دیتا ہے۔ اقوام متحدہ کی یہ قرار داد تمام ممالک سے ایٹمی تجربات سے دور رہنے کی اپیل کرتا ہے ۔ امریکی صدر براک اوباما کی انتظامیہ نے کہا ہے کہ وہ معاہدے کو منظوری دیں گے۔ حالانکہ کئی امریکی ممبران کانگریس خصوصاً ریپلکن پارٹی کے ممبران نے ایسے معاہدے پر دستخط کرنے کی مخالفت کرتے ہوئے کہا ہے کہ یہ امریکہ کے سیکورٹی کے متبادل راستوں کو محدود کردے گا۔ رائٹر ۔ ش و ۔ ر ب ۔1355