کانپور، 24 ستمبر (یواین آئی) رویندر جڈیجہ (پانچ وکٹ) اور روی چندرن اشون (چار وکٹ) کی خطرناک گیند بازی کی بدولت ہندوستان نے نیوزی لینڈ کی پہلی اننگز کو یہاں پہلے کرکٹ ٹیسٹ کے تیسرے دن ہفتہ کو لنچ کے کچھ دیر بعد 262 رن پر ہی ڈھیر کر دیا اور 56 رن کی مضبوط برتری بھی حاصل کر لی۔
نیوزی لینڈ نے اپنی پہلی اننگز میں 95.5 اووروں میں سبھی وکٹ گنوا کر 262 کا اسکور بنایا جبکہ لنچ تک وہ پانچ وکٹ پر 238 رن بنا کر اچھی حالت میں تھا. لیکن ہندوستانی اسپنروں نے کمال کی گیند بازی سے سات رن کے فرق پر مہمان ٹیم کے باقی پانچ وکٹ حاصل کئے اور پوری ٹیم کچھ دیر بعد ڈھیر ہو گئی اور ہندوستان کے اسکور سے 56 رن پیچھے رہی۔
نیوزی لینڈ کی ٹیم لنچ تک ہندوستان کے اسکور سے 80 رن پیچھے تھی۔