کابل، 10 دسمبر (یواین آئی)افغانستان کرکٹ بورڈ (اے سی بی) نے قومی ٹیم کے کوچ جوناتھن ٹروٹ کے عہدے کی مدت میں ایک سال کی توسیع کر دی ہے اے سی بی نے 2024 میں ٹیم کی کامیابیوں کو مدنظر رکھتے ہوئے یہ فیصلہ کیا ہے اس توسیع کے تحت ٹروٹ 2025 کے آخر تک افغانستان ٹیم کے ہیڈ کوچ رہیں گے تاہم، نجی وجوہات کی بنا پر وہ آئندہ زمبابوے کے دورے میں صرف ون ڈے فارمیٹ کے لیے دستیاب ہوں گے ان کی غیر موجودگی میں حامد حسن بطور ہیڈ کوچ اور نوروز منگل بطور اسسٹنٹ کوچ ذمہ داریاں سنبھالیں گے۔

ٹروٹ کا عہدہ جولائی 2022 میں افغانستان کے کوچ کے طور پر شروع ہوا تھا اور جنوری 2024 میں ان کے 18 ماہ کے معاہدے کو مزید بڑھایا گیا تھا۔
ٹروٹ کی کوچنگ کے دوران افغانستان نے 34 میں سے 14 ون ڈے اور 44 ٹی-20 میں سے 20 میچز جیتے ہیں۔